San Marcos 15:34 - Tüpä Ñe'ëngagwer

³⁴ A'e arɨ ka'aru rupi tuprɨ avei, Jesús säse pirätä aipo e'i: “Eloi, Eloi, ¿lemá sabactani?” (aipo oyapave aipo e'i, “che Ru Tüpä, che Ru Tüpä, ¿ma'erä vo che reya eve?”)

Tũpa Ñehengagüer

³⁴ Ahese tuprɨ avei Jesús oñehe pĩrata aipo ehi: “Eloi, Eloi, ¿lema sabactani?” ehi, (ahe ‘che Ru Tũpa, che Ru Tũpa, ¿mahera vo che reya eve?’ oyapave aipo ehi).

San Marcos 15:34 Iomraidhean Croise

San Mateo 27:45

A'ese mbɨter arɨ sui tuprɨ opa pɨ̇tü ɨvɨ rupi ka'aruavei.

San Mateo 27:46

A'e arɨ pɨpe avei ka'aruse, Jesús oñe'ë pirätä aipo e'i: “Elí, Elí, ¿lemá sabactani?” (aipo oya aipo e'i. “che Ru Tüpä, che Ru Tüpä, ¿ma'erä vo che reya eve?”)

San Marcos 15:25

A'e oyatɨka añi'ïvëi arɨvatemi rupi yuvɨreko.

San Marcos 15:35

A'eve ava yuvɨrekoi va'e rumo, osenduse iñe'ë aipo e'i yuvɨreko: –Pesendu aipo Tüpä ñe'ë mombe'usar Elías upe oñe'ë.

San Lucas 23:44

Osupitɨse rumo mbɨter arɨ, iyavei ka'aruopakatu ite ɨvɨ rupi pɨ̇tü.

San Lucas 23:46

Jesús säse pirätä aipo e'i: –¡Che Ru, amondo che espíritu ndeu! Aipo o'e pare voi omano.

Los Hechos 10:3

Ñepëi arɨ pɨpe, ka'aruarɨ yemombɨtesa rupi, ikerai ou: A'ese osepia ñepëi mbigwai ɨva pendar Tüpä suindar oikese oso aipo e'i chupe: “¡Cornelio!”

Hebreos 5:7

Ko ɨvɨ pɨpe Cristo oikove vɨtese, oyerure pirätä oyase'osa pɨpe Vu Tüpä upe, esepia a'e oikatu ipɨsɨrö agwä manosa sui; egwë e'i iporeroya tuprɨsa pɨpe, Tüpä osendu ite iyeruresa.