San Marcos 14:7 - Tüpä Ñe'ëngagwer

⁷ Ava iparaɨsu va'e ni'ä yuvɨrekoiño itera pe pa'üve yepi, iyavei peyapoño itera mba'e avɨye va'e peyapo potase chupe; che rumo egwë nda'e vɨteñoi chira vichiko pe pa'üve.

Tũpa Ñehengagüer

⁷ Ava iparaɨsu vahe niha yuvɨrecoiño itera pe pãhuve, iyavei peyapoño itera mbahe avɨye vahe peyapo potase chupe; che rumo ẽgüe ndahe vɨteñoi chira vichico pe pãhuve.

San Marcos 14:7 Iomraidhean Croise

San Mateo 26:11

Ava iparaɨsu va'e ni'ä yuvɨrekoiño itera pe pa'üve. Che rumo egwë nda'e vɨteñoi chira vichiko pe pa'üve.

San Marcos 14:6

Evokoiyase Jesús aipo e'i: –Egwë te'iño; ¿ma'ërä vo pemañeko tëi? Esepia ni'ä oyapo ite mba'e avɨye va'e cheu.

San Juan 13:33

Che ra'ɨreta che rembiaɨsu, ndaiko puku iri chira rumo pe rese. Pe rumo che reka tëira peye; inungar akoi amombe'u va'e judío eta upe a'e tuprɨ avei aipo amombe'u kurïtëi peü: Ndapei katui chietera peso va'erä che asosave.

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 16:5

Kurïtëi rumo asora che mbousar pɨri, iyavei ndipoi ete ñepëi pepa'ü pendar oporandu va'e kevo aipo eresora e'i va'e cheu;

San Juan 17:11

“Che ndaiko iri chira ko ɨvɨ pɨpe; a'e rumo yuvɨrekoveño itera ko ɨvɨ pɨpe, che evokoiyase asora nde pɨri. Che Ru ndaseko maräne'ɨ̇ va'e, esärö nde pirätäsa pɨpe nderer pɨpe sereko, akoi erembou cheu, oyese yuvɨrekoi tuprɨ agwä, inungar yande yaiko yepi.

Los Hechos 3:21

Kurïtëi rumo Jesucristo ɨvave vɨte sekoi akoi Tüpä opase voi omoigätu opakatu mba'e iyevɨ agwä, aipo e'i akoi imoñe'ë uka araka'endar oñe'ë mombe'usar ndaseko maräi va'e.

Filemón 1:7

Cherorɨvete ayemongere'ɨ̇ katu avei nde poroaɨsusa rese, nde evokoiyase che rɨvrɨ, eremongere'ɨ̇ katu ava pɨ'a ñemoñetasa avɨye va'e ko tekwa pɨpe yuvɨreko.