San Marcos 14:54 - Tüpä Ñe'ëngagwer

⁵⁴ Pedro sekoi sakɨkwei amombrɨ rupive tëi pa'i rerekwar ɨvate katu va'e rëtäve, ipare ogwapɨño sundao tüpäro rärösar pa'üve, tata ɨpɨve oyepe'e öi.

Tũpa Ñehengagüer

⁵⁴ Pedro avei amombrɨ rupive tẽi oique ité oso pahi rerecuar ɨvate catu vahe rẽta ãchisa pɨpe. Aheve oguapɨño mbɨa sundao pãhuve tata ɨpɨve oyepehe oĩ.

San Marcos 14:54 Iomraidhean Croise

San Mateo 26:3

A'e arɨ pɨpe avei, pa'i eta rerekwar, iyavei judío rerekwareta oñemonu'ä yuvɨreko pa'i rerekwar ɨvate katu va'e Caifás rëtäve,

San Mateo 26:58

Pedro rumo amombrɨ rupive tëi osakɨkwei moña oso egwë e'i oyepota pa'i rerekwar ɨvate katu va'e rëtä rokar ächisave. A'eve oike ipɨpe, ogwapɨ öi sundao pa'üve marä e'i etera pi'ä sereko yuvɨreko oyapave.

San Marcos 14:38

Pema'emo'ä pekeirene, peyerure mba'e tëi pɨpe pe vɨapi e'ɨ̇ agwä. Pe ni'ä pekere'ɨ̇ tëi viña, pe retekwer rumo nipirätäi peü.

San Marcos 14:66

Pedro ɨvɨve ñachimbrɨ pɨpe sekoi. A'eve ñepëi kuña oyepota ou pa'i mborerekwar ɨvate katu va'e rembigwai chupe;

San Lucas 22:44

Mba'e-mba'e tëi porarasa pɨpe oyerure katu, a'ese sakuvo inungar tuvɨ osë ichui otɨkɨ ɨvɨve.

San Lucas 22:54

Evokoiyase Jesús oipɨsɨ ovɨraso pa'i eta rerekwar ɨvate katu va'e rëtäve yuvɨreko. Pedro rumo amombrɨ rupive tëi osakɨkwei moñaño oiko.

San Juan 18:18

A'e Pɨ̇tü pɨpe so'ɨ̇sa iteanga, mbigwai eta iyavei tüpäro rärösar oyatapɨ yuvɨreko, a'eve oyepe'e atɨ yugweru. Pedro avei sekoi ipa'üve, oyepe'e tata ɨpɨve o'ä.

San Juan 18:25

A'ese Pedro ndosɨrɨi ete, oyepe'eño ite tataɨpɨve o'ä. Ipare oporandu yuvɨreko chupe: –¿Nda'ei vo nde avei ereiko evokoi mbɨa remimbo'e? Pedro ndaikwai va'e, e'iño chupe: –Ani, nda'ei che a'e aiko.