San Marcos 14:23 - Tüpä Ñe'ëngagwer

²³ Ipare oipɨsɨ ɨgwa rɨru, iyavei avɨye ndeu e'i Tüpä upe, aipo o'e pare omondo gwemimbo'e upe, ichui opakatu yuvɨroɨ'u.

Tũpa Ñehengagüer

²³ Ipare oipɨsɨ ɨgua rɨru, “Avɨye ndeu” ehi Vu upe. Aipo ohe pare omondo güemimbohe upe, ipare opacatu yuvɨroɨhu.

San Marcos 14:23 Iomraidhean Croise

San Mateo 26:27

Ipare oipɨsɨ ɨgwa rɨru, avɨye ndeu e'i Tüpä upe, aipo o'e pare omondo gwemimbo'e upe aipo e'i: –Peɨ'u opakatu ko i'ɨgwarɨru sui,

San Marcos 14:22

Yuvɨrokaru vɨteseve, Jesús oipɨsɨ mboyape, ipare Avɨye ndeu e'i Tüpä upe, ombo'i-mbo'i imondo gwemimbo'e upe aipo e'i: –Peipɨsɨ, ko che retekwer.

San Marcos 14:24

A'ese aipo e'i: –Ko che ruvɨ, a'e che Ru remimbotar ipɨasu va'e peü narä, a'e oyepɨyerera ava re'ɨi rekokwer rese narä.

San Lucas 22:17

Evokoiyase oipɨsɨ ɨgwa rɨru, avɨye ndeu e'i Vu Tüpä upe, aipo e'i: –Peipɨsɨ ko iyavei pemboya'o-ya'o peyakatu;

Romanos 14:6

Akoi oyekwaku va'e ñepëi arɨ, yande Yar mboeteisa pɨpe tomboeteiño ite. Iyavei akoi o'u va'e opakatu mba'e, yande Yar mboeteisave avei egwë e'i, avɨye ndeu e'i Tüpä upe; iyavei akoi ndo'ui va'e opakatu mba'e, yande Yar mboeteisave egwë e'i, avɨye ndeu e'i avei Tüpä upe.

1 Corintios 10:16

Akoi yaɨ'use uva rɨkwer sovasaprɨ ipɨpe yamboetei Tüpä sereko yepi, a'ese oyoya gwasu Cristo rese yaiko suvɨ pɨpe sui; ya'use ko mboyape imboya'o-ya'oprɨ, a'ese oyoya gwasu yaipɨsɨ Cristo retekwer yandeyeupe narä.