San Marcos 13:8 - Tüpä Ñe'ëngagwer

⁸ Esepia ñepëi ɨvɨ pɨpendar ovavara ambuae ɨvɨ pendar rese iyavei ñepëi tekwa gwasu ovavara ambuae ɨvɨ pendar rese; iyavei oimerä ɨvɨ rɨrɨi opakatu-katu tëi tekwa rupi, tɨavor avei. Ko rumo omboɨpɨ ramomirä mba'e tëi porarasa.”

Tũpa Ñehengagüer

⁸ Esepia, ñepei ɨvɨ pɨpendar ovavara ambuae ɨvɨ pɨpendar rese oyeupe yuvɨreco; iyavei oimera ɨvɨ rɨrɨi opacatu-catu tẽi tecua rupi, tɨavor avei. Co rumo omboɨpɨ ramomira mbahe tẽi porarasa.

San Marcos 13:8 Iomraidhean Croise

San Mateo 24:8

Opakatu evokoi mba'e omboɨpɨ ramomi va'e mba'e tëi porarasa.

San Marcos 13:7

“Pesenduse rumo ñe'ësa vavasa resendar ko'ave iyavei ambuae rupi, ndapeyembosɨkɨyei chietera. Esepia ni'ä oime rane itera evokoi nungar; nde'i vɨtei chira rumo arɨ kañɨ ipa va'e.

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

Los Hechos 11:28

Ñepëi ipa'ü pendar, Agabo serer va'e, Espíritu pirätäsa pɨpe opü'a omombe'u ñe'ësa ou va'erä tɨavor tuvicha va'e opakatu ɨvɨ rupi, a'e egwë e'i ete, mborerekwar ɨvate katu va'e Claudio rekose.

1 Tesalonicenses 5:3

Akoi ava aipo e'ise yuvɨreko: “Opakatu avɨye ite yaiko, iyavei ndipo iri mba'e-mba'e tëi yandeu”, a'ese inungar akoi kuña imembɨrasɨ avɨyeteramo tëi, egwë e'i aveira avɨyeteramo tëi ikañɨ oura i'arɨve, a'ese ndoikatui chira oñemi yuvɨreko.

Apocalipsis 6:4

Ipare osë kavayu pirä va'e, a'e ava i'arɨ pendar oipɨsɨ pirätäsa mba'e tuprɨsa rerokwa agwä ɨvɨ pɨpendar ava sui toyeyuka-yuka tëi yuvɨreko oyapave; ipare imondosa kɨse puku chupe.