San Marcos 13:6 - Tüpä Ñe'ëngagwer

⁶ Esepia seta ava yugwerura cherer pɨpe. Aipo e'ira yuvɨreko: ‘Che ni'ä Poropɨsɨrösar aiko’, iyavei seta ombopara ava yuvɨreko kuri.”

Tũpa Ñehengagüer

⁶ Esepia, setá ava yugüerura, ‘Che niha Poropɨ̃sɨrosar aico’ ehi tẽira ava eta mbopa yuvɨreco.

San Marcos 13:6 Iomraidhean Croise

San Mateo 24:11

Seta aveira Tüpä ñe'ë mombe'usar anga'u tëi va'e, iyavei seta ombopa ava yuvɨreko no.

San Mateo 24:5

Esepia ni'ä seta ava yugwerura che rer pɨpe. Aipo e'ira yuvɨreko: ‘Che aiko Poropɨsɨrösar’, iyavei ombopa atɨra ava yuvɨreko.

San Marcos 13:22

Esepia yugwerura ava che Poropɨsɨrösar aiko e'i tëi va'e iyavei che amombe'u Tüpä ñe'ëngagwer e'i va'e; iyavei oyapora mba'e ava ndoyapoi va'e poromondɨisa gweko pirätäsa mboyekwa agwä yuvɨreko. Avɨyeteramo ombopa aveira ava Tüpä reroyasar.

San Marcos 13:5

Jesús omboyevɨ chupe: “Peikwa katu peyembopa ukai rene ambuae ava upe.

San Marcos 13:7

“Pesenduse rumo ñe'ësa vavasa resendar ko'ave iyavei ambuae rupi, ndapeyembosɨkɨyei chietera. Esepia ni'ä oime rane itera evokoi nungar; nde'i vɨtei chira rumo arɨ kañɨ ipa va'e.

San Juan 5:43

Che ni'ä ayu che Ru rer pɨpe, pe rumo ndache reroyai ete peye; ouse rumo ambuae ava oyesui tëi oñe'ë va'e, evokoi nungar tëi peroyara.

San Juan 8:24

Sese ni'ä akoi aipo a'e peü pemanopa itera angaipa pɨpe; esepia ndache reroyaise peye Che Aikose, pemanopa itera angaipa pɨpe.

San Juan 8:28

Sese aipo e'i chupe: –Pesupise rumo ava ɨvate katu va'e Ra'ɨrɨ, a'ese voi peikwara Che a'e Aikose, ndayapoi avei mba'e che remimbotar rupi tëi; che rumo amombe'u mba'e che Ru che mbo'esa rupi gweraño ite.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.