San Marcos 13:21 - Tüpä Ñe'ëngagwer

²¹ “Akoi oimese aipo e'i va'e peü: ‘Pesepia, ko Poropɨsɨrösar sekoi’, anise ‘Pesepia, peve sekoi’, ndaperoyai chietera rumo.

Tũpa Ñehengagüer

²¹ “Que oimese aipo ehi vahe: ‘Esepia, co Poropɨ̃sɨrosar secoi’ ehi, anise, ‘Peve secoi’ ehise yuvɨreco pẽu, aní chira peroya aipo ehi vahe.

San Marcos 13:21 Iomraidhean Croise

San Mateo 24:5

Esepia ni'ä seta ava yugwerura che rer pɨpe. Aipo e'ira yuvɨreko: ‘Che aiko Poropɨsɨrösar’, iyavei ombopa atɨra ava yuvɨreko.

San Marcos 13:20

Iyavei yande Yar nomombɨtu'uise arɨ naporäi va'e, ndipoi chietera oñepɨsɨrö va'e yuvɨreko viña; a'e rumo omombɨtu'ura gwembiporavo raɨsusa pɨpe.”

San Marcos 13:22

Esepia yugwerura ava che Poropɨsɨrösar aiko e'i tëi va'e iyavei che amombe'u Tüpä ñe'ëngagwer e'i va'e; iyavei oyapora mba'e ava ndoyapoi va'e poromondɨisa gweko pirätäsa mboyekwa agwä yuvɨreko. Avɨyeteramo ombopa aveira ava Tüpä reroyasar.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

San Juan 5:43

Che ni'ä ayu che Ru rer pɨpe, pe rumo ndache reroyai ete peye; ouse rumo ambuae ava oyesui tëi oñe'ë va'e, evokoi nungar tëi peroyara.