San Marcos 13:11 - Tüpä Ñe'ëngagwer

¹¹ Iyavei mba'e pi'ä amombe'ura chupe ndapeyei chira pe mondose mborerekwar rovai yuvɨreko. A'eve voi ete omboyekwara Tüpä peñe'ë agwä peü, esepia nda'ei chira peyesui tëi peñe'ë, Espíritu Maräne'ɨ̇ ite oñe'ëra.

Tũpa Ñehengagüer

¹¹ Iyavei, ‘¿Mbahe pĩha amombehura chupe?’ ndapeyei chira pe mondose mborerecuar rovai yuvɨreco. Aheve voi eté omboyecuara Tũpa pe ñehe ãgua pẽu. Esepia, ndahei chira peyesui tẽi peñehe, Espíritu Santo ité oñehera.

San Marcos 13:11 Iomraidhean Croise

San Mateo 10:17

Iyavei peikwa katura peamotare'ɨ̇mbar sui, esepia mborerekwar rovai pe rerasora, ipare pe nuparä judío ñemo'üsave yuvɨreko

San Marcos 13:12

Oñemu yuvɨrekoi va'e omondoñora vɨvrɨ yuka uka agwä, iyavei iyesupa eta omondo uka aveira gwa'ɨrɨ yuka uka agwä; iyavei ta'ɨreta oyemboyerera yamotare'ɨ̇ oyesupa yuka uka agwä yuvɨreko.

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

San Lucas 21:12

“Ko mba'e-mba'e tëi renonde, pe pɨsɨra yuvɨreko che rekokwer sui. Pe reraso aveira mba'e porandu agwä rese oɨ judío ñemonu'äsave, pe rokenda aveira pe rerasora mborerekwar rovai iyavei mborerekwar ɨvate katu va'e rovai yuvɨreko che rekokwer sui tëi.

San Juan 3:27

Juan rumo aipo e'i chupe: –Ndipoi chietera ava vɨreko va'e mba'e, Tüpä nombouise chupe.

Los Hechos 2:4

A'ese avei Tüpä omoinge evokoi ava pɨ'a pɨpe Espíritu Maräne'ɨ̇, ichui a'e Espíritu omoñe'ë uka ambuae ñe'ësa pɨpe yuvɨreko.

Los Hechos 3:13

Tüpä, a'e akoi Abraham, Isaac iyavei Jacob vɨroya yuvɨreko araka'e opakatu yande ramoi eta aveino, a'e ni'ä omondo gweko pirätäsa tuvicha katu va'e Gwa'ɨrɨ Jesús upe, pe rumo akoi pemondoño mborerekwar povrɨve, akoi omose potase, pe evokoiyase ndapeipotaiño imose agwä chupe.

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

Los Hechos 6:10

ndoikatui rumo iñe'ë rekopɨ agwä yuvɨreko, esepia a'e oñe'ë mba'ekwasa Espíritu Maräne'ɨ̇ omondo va'e pɨpe.

Los Hechos 6:15

A'ese opakatu mborerekwar oñemonu'ä va'e yuvɨnoi a'eve oma'e Esteban rese yuvɨreko, oma'ese aipo yuvɨreko sese, ndoyavɨi sepiaka mbigwai ɨva pendar rova.

Los Hechos 7:55

Esteban rumo vɨreko ite Espíritu Maräne'ɨ̇ oyese, evokoiyase ɨva rese oma'ese, osepia Tüpä porañetesa, osepia avei Jesús i'äise Tüpä akato kotɨ.

1 Corintios 2:13

A'e ni'ä oromombe'u Tüpä Espíritu ore mbo'e va'e, nda'ei ñe'ësa ava tëi arakwasa sui. Egwë oro'e ko supiete va'e ñe'ësa espíritu suindar oromombe'u espíritu rese yuvɨrekoi va'e upe yepi.

Efesios 3:5

ko ñe'ësa ikatuprɨ va'e ndoikwai ete ava yuvɨreko araka'e, kurïtëi rumo Tüpä omboyekwa gwembipe'a yuvɨrekoi va'e upe, a'e sembipe'a Jesús ñe'ë mombe'usar, oñe'ë mombe'usar upe avei omboyekwa oyesuindar Espíritu.

Santiago 1:5

Iyavei akoi ipanese pe pa'ü pendar upe yarakwa agwä, toporandu Tüpä upe, evokoiyase a'e omboura chupe; esepia Tüpä opakatu upe mba'e ombou gwekate'ɨ̇sa pɨpe iyavei omba'e mboasɨ e'ɨ̇sa pɨpe avei.

1 San Pedro 1:12

Tüpä rumo oikwa uka mba'e semimombe'ugwer yuvɨreko chupe, nda'ei rumo mba'e imombe'uprɨ chupe narä, a'e rumo peü perekokwer rese egwë e'i yuvɨreko. A'e avei ni'ä poropɨsɨrösa resendar ñe'ësa mombe'usar omombe'u peü kurïtëi, Espíritu Maräne'ɨ̇ pirätäsa pɨpe imbouprɨ ɨva sui yandeu. ¡Ko ñe'ësa oikwa pota tëi avei mbigwai ɨva pendar yuvɨreko!