San Marcos 13:10 - Tüpä Ñe'ëngagwer

¹⁰ Kañɨ renonde rumo, ko ñe'ësa pɨsɨrösa resendar opakatu rane ite ava upe ikwa ukasara ɨvɨ rupi.

Tũpa Ñehengagüer

¹⁰ Cañɨ renonde rumo co ñehesa pɨ̃sɨrosa resendar opacatu rane ité ava upe icua ucasara ɨvɨ rupi.

San Marcos 13:10 Iomraidhean Croise

San Mateo 12:41

Evokoiyase arɨ kañɨ pɨpe tekwa Nínive ɨgwar oñarapü'ara, oimese porandusa yuvɨreko ko ava kurïtëindar upe, iyavei a'e pemondora mba'e tëi pɨpe; esepia ni'ä Nínive ɨgwar oyevɨpa Tüpä upe osenduse Jonás ñe'ë yuvɨreko, iyavei kurïtëi oime va'e ko'ave, a'e Jonás sui ɨvate katu va'e sekoi.

San Mateo 24:14

Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

San Marcos 16:15

Ipare aipo e'i gwemimbo'e upe: “Peso opakatu ɨvɨ rupi iyavei pemombe'u ko ñe'ësa pɨsɨrösa resendar peiko.

Romanos 1:8

Che yɨpɨndar yande Yar Jesucristo rer pɨpe, avɨye ndeu a'e Tüpä upe pe rese, esepia opakatu ɨvɨ rupi ñe'ësa tuprɨai pe rese Tüpä reroyasa pɨpe.

Romanos 10:18

Che rumo aporandu: ¿Avɨyeteramo ndosendui ñe'ësa avɨye va'e yuvɨreko? ¡Supiete osendu yuvɨreko! Esepia Ikwachiaprɨ pɨpe aipo e'i: “A'e iñe'ë yuvɨreko opa ite ikwasa opakatu ɨvɨ rupi, iyavei opakatu ɨvɨ rupi osendu iñe'ë yuvɨreko.”

Romanos 15:19

egwë a'e poromondɨisa mba'e yavai va'e apo Tüpä pirätäsa pɨpe. A'e ayapo Espíritu Tüpä suindar pirätäsa pɨpe. A'e ichui che amboavɨye ñe'ësa Cristo resendar mombe'u vichiko, tekwa Jerusalén sui tuprɨ agwata opakatu rupi, ayepota ɨvɨ Iliria ve aveino.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 1:6

ko ñe'ësa imombe'usa avei opakatu peü. Ko ñe'ësa seta ava oipɨsɨ tuprɨ avei yuvɨreko ko ɨvɨ pɨpe, inungar akoi pesenduse yɨpɨndar Tüpä porovasasa resendar ñe'ësa, ipɨpe sui peikwa tuprɨ katu a'e porovasasa supiete va'e.

Apocalipsis 14:6

Evokoiyase asepia ambuae mbigwai ɨva pendar oveve va'e ɨva mbɨter rupi iyavei vɨreko Tüpä ñe'ëngagwer pɨsɨrösa resendar ndopai va'e imombe'u agwä opakatu ava ko ɨvɨ pɨpendar upe, opakatu ɨvɨ rupindar upe, ava ambuae va'e upe, iñe'ë ambuae va'e upe, opakatu tekwa rupindar upe aveino.