San Marcos 12:36 - Tüpä Ñe'ëngagwer

³⁶ Esepia, David ete aipo e'i Espíritu Maräne'ɨ̇ pirätäsa pɨpe: ‘Yar aipo e'i che Yar upe: Egwapɨ che akato kotɨ, akoi che amondose voi ete nde amotare'ɨ̇mbar nde povrɨve yuvɨreko.’

Tũpa Ñehengagüer

³⁶ Esepia, David ité aipo ehi Espíritu Santo pĩratasa pɨpe: ‘Yar aipo ehi che Yar upe: Eguapɨ che acato cotɨ, acoi che amondose voi eté nde amotarẽhɨmbar nde povrɨve yuvɨreco’ ehi David aracahe.

San Marcos 12:36 Iomraidhean Croise

San Mateo 5:35

anichira ɨvɨ rer pɨpe, esepia a'e ipɨrunga avei; anichira Jerusalén rer pɨpe, esepia ni'ä a'e Mborerekwar ɨvate katu va'e rekwa.

Los Hechos 1:16

“Che mu eta Jesucristo reroyasar, iya ite ko imboavɨyesa Tüpä ñe'ëngagwer Judas rekokwer resendar, a'e imombe'uprɨ David upe Espíritu Maräne'ɨ̇ pɨpe araka'e, evokoi Judas vɨraso va'e Jesús amotare'ɨ̇mbar ipɨsɨ uka agwä.

Los Hechos 28:25

Iyavei opɨ'añemoñetasa nomboyoyaise yuvɨreko, omboɨpɨ yuvɨnosë. A'ese Pablo aipo e'i ava upe: –Supiete Isaías omombe'u Espíritu remimombe'u pe rekokwer resendar pe ramoi upe araka'e aipo e'i:

1 Corintios 15:25

Esepia Cristo rane ite oporokwaira oiko akoi Tüpä opase voi ete omondo opakatu yamotare'ɨ̇mbar ipovrɨve;

2 Timoteo 3:16

Opakatu ko ñe'ësa Ikwachiaprɨ ou va'e Tüpä sui, avɨyeai ete porombo'e agwä, iyavei poromboyapɨsaka agwä, poromboarakwa tuprɨ agwä avei ava upe ñe'ë tuprɨ agwä sekokwer mo'ɨ̇vi agwä yepi,

Hebreos 1:13

Tüpä aipo nde'i ete ñepëi mbigwai ɨva pendar upe: “Egwapɨ che akato kotɨ, a'ese che amondora nde amotare'ɨ̇mbar nde povrɨve.”

Hebreos 4:7

Sese, Tüpä omombe'u iri arɨ yandeu, ñekuñarösa ipɨasu va'e resendar “kurïtëi rumo”, omombe'u iri ñe'ësa koiye katundar araka'e, a'e David omombe'u Ikwachiaprɨ pɨpe aipo e'i va'e: “Supiete pesenduse Tüpä ñe'ë aipo e'i va'e, peye pɨ'amoatäi rene katu chupe.”

1 San Pedro 1:11

Cristo Espíritu yɨpɨve ite oikwa uka Tüpä ñe'ë mombe'usar upe, marä e'ira Cristo oparaɨsu oiko, ipare rumo oura teko orɨ porañete va'e chupe; a'e evokoiyase oikwa pota ite Espíritu remimombe'ugwer yuvɨreko.

2 San Pedro 1:21

esepia nda'ei Tüpä ñe'ë mombe'usar oyesui tëi omombe'u yuvɨreko, a'e rumo ava seko katuprɨ va'e ite, Tüpä omombe'u uka oñe'ë chupe Espíritu Maräne'ɨ̇ pirätäsa pɨpe araka'e.