San Marcos 12:29 - Tüpä Ñe'ëngagwer

²⁹ Jesús omboyevɨ chupe: –Yɨpɨndar porokwaita avɨye katu va'e opakatu sui: ‘Pesendu Israel: yande Yar Tüpä a'eño ite ñepëi yande Yar sekoi.

Tũpa Ñehengagüer

²⁹ Jesús omboyevɨ chupe: —Yɨpɨndar mborocuaita avɨye catu vahe aipo ehi: ‘Pesendu Israel: yande Yar Tũpa aheño ité ñepei yande Yar secoi.

San Marcos 12:29 Iomraidhean Croise

San Mateo 10:37

Iyavei akoi oyesupa tëi osaɨsu katu va'e che sui, a'e ndiyai ete sekoi va'erä che rupi; inungar avei osaɨsu katu va'e gwa'ɨrɨ anise gwayrɨ che sui, a'e avei ndiyai ete sekoi va'erä che rupi;

San Mateo 23:9

Iyavei cheru ndapeyei chira ava ko ɨvɨ pɨpendar tëi upe, esepia ñepëiño ite pe Ru pereko a'e ni'ä ɨva pendar.

San Lucas 10:27

Moisés porokwaita rese oporombo'e va'e omboyevɨ chupe: –‘Eresaɨsura nde Yar Tüpä opakatu nde pɨ'a pɨpe, opakatu nde rekokwer pɨpe, opakatu nde pirätäsa pɨpe, opakatu nde yapɨsakasa pɨpe avei; eresaɨsu aveira ava nde kotɨndar nde yeaɨsu nungar.’

Romanos 3:30

supiete oime ñepëiño ite Tüpä: a'e Tüpä akoi oseko mo'ɨ̇vi va'e vɨroyasar, ndoporandui chira imbocircuncidaprɨ rese ani chiaveira ndoipɨsɨi va'e rese!

1 Corintios 8:4

Evokoiyase ko mba'e ra'anga upe tëi seropove'ëprɨ mba'e mɨmba yukaprɨ u agwä rese añe'ë, yande ni'ä yaikwa ko mba'e ra'anga egwë e'i tëi va'e ko ɨvɨ pɨpe, esepia oime ñepëi gweraño ite Tüpä.

Gálatas 3:20

Ñepëi ava rese oñemoñetase, ndipotasai ambuae imoigätu agwä Tüpä ni'ä ñepëi va'e sekoi.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 Timoteo 2:5

Esepia ñepëiño ite Tüpä, ñepëiño avei ava oikatu va'e yande reraso Tüpä upe; a'e Cristo Jesús sekoi.

Santiago 2:19

Nde ni'ä ereikwa oimese ñepëi Tüpä, supiete aipo ere; ko rumo karugwar avei oikwa, ichui osɨkɨyepave rumo a'e orɨrɨi ete yuvɨreko.