San Marcos 12:15 - Tüpä Ñe'ëngagwer

¹⁵ Jesús rumo oikwa ite ipɨ'a e'ɨ̇sa, sese aipo e'i chupe: –¿Ma'erä che moinge pota mba'e tëi pɨpe peye? Peru evokoiyase ñepëi gwarepochi cheu, asepia va'erä.

Tũpa Ñehengagüer

¹⁵ Oicua ité rumo fariseo pɨhaẽhɨsa, sese aipo ehi voi chupe: —¿Mahera che moingue pota mbahe tẽi pɨpe peye? Peru evocoiyase ñepei guarepochi cheu, tasepia —ehi.

San Marcos 12:15 Iomraidhean Croise

San Mateo 20:2

A'ese omoigätupa oporavɨkɨ va'e upe omboepɨ agwä ñepëi arɨ rupindar mboravɨkɨ reprɨ, ipare opa omondo uvatɨ̇save imboporavɨkɨ.

San Mateo 22:18

Jesús oikwa voi ete ipɨ'a ñemoñeta raisa, sese aipo e'i chupe: –Pe inungar ava oñe'ë ñotëi va'e tekokwer rese yuvɨreko yepi, ¿ma'erä vo che mbo'a uka pota mba'e tëi pɨpe peye?

San Marcos 10:2

Evokoiyase fariseo oyemboya Jesús rese seko'ä agwä tëi, avɨye pi'ä kuimba'e omenda va'e opoi gwembireko sui e'i yuvɨreko chupe.

San Marcos 12:14

A'e yuvɨraso aipo e'i yuvɨreko chupe: –Porombo'esar, ore oroikwa nde eremombe'use mba'e supi va'e ite, nde ni'ä ndereroyai va'e ava ñe'ësa tëi, esepia nderesekai ava upe mba'e semimbotar. Nde ereporombo'e tuprɨ supi va'e ite Tüpä rekokwer rese. ¿Avɨyera pi'ä oromboepɨse gwarepochi mborerekwar Roma pendar ɨvate katu va'e upe, ani tie? ¿Oromboepɨravo anichira tie?

San Marcos 12:16

Ipare vɨraso yuvɨreko, ichui Jesús aipo e'i chupe: –¿Ava ra'anga vo vɨreko ava rer vo ikwachiaprɨ sese? A'e omboyevɨ yuvɨreko chupe: –Mborerekwar Roma pendar.

San Lucas 20:23

Jesús rumo, oikwa voi ete ipɨ'a ñemoñetaraisa vɨreko va'e yuvɨreko, aipo e'i chupe:

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

San Juan 8:6

A'e oporandu yuvɨreko chupe sekoa'äsave tëi, ipare yamondo anga'u mba'e tëi pɨpe sereko oyapave. Jesús rumo oyaɨvɨ omboɨpɨ omba'ekwachia ɨvɨ rese okwä pɨpe.

Los Hechos 5:9

Pedro aipo e'i chupe: –¿Ma'erä vo peyemboyoya pemondo va'erä yande Yar Espíritu tekoa'äsa pɨpe? Evokoi yugweru vɨraso va'e nde mer ñotɨ̇ yuvɨreko, kurïtëi nde avei nde rerasora yuvɨreko.

1 Corintios 10:9

Ndayasekoa'ä-a'ä tëi chiaveira yande Yar, inungar a'e yuvɨreko, ipɨpe sui oyeyukapa uka mboi osu'usa pɨpe yuvɨreko.

Hebreos 4:13

Ndipoi ete ni'ä mba'e Tüpä rembiapo ñomiprɨ ichui; opakatu ite oikwa, osepia avei opakatu mba'e, a'e ni'ä oporandura opakatu yande rekokwer rese yandeu kuri.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.