San Marcos 10:51 - Tüpä Ñe'ëngagwer

⁵¹ a'e evokoiyase oporandu chupe: –¿Mba'e vo ereipota ayapo va'erä ndeu? Ndasesapɨsoi va'e omboyevɨ chupe: –Porombo'esar, che mboesarekomi tëira eve viña.

Tũpa Ñehengagüer

⁵¹ Evocoiyase oporandu ndasesapɨsoi vahe upe: —¿Mbahe vo ereipota ayapo vaherã ndeu? —ehi. Ahe evocoiyase, —Porombohesar, che mbosarecomi tẽira eve viña —ehi.

San Marcos 10:51 Iomraidhean Croise

San Mateo 23:7

a'e oipota opakatu ava oyapo avɨrave imboeteisave okar rupi yuvɨreko chupe, iyavei oipota porombo'esar e'i oyeupe yuvɨreko.”

San Mateo 23:8

“Pe rumo porombo'esar ndapembo'e ukai chira ava peyeupe, esepia pe opakatu gwasu peyeɨvrɨ peiko iyavei ñepëiño ite pereko pe Mbo'esar.

San Mateo 6:8

Anichira inungar peiko, esepia pe Ru oikwa ite mba'e peipota va'e, peporandu agwä renondeve.”

San Mateo 7:7

“Peporandu mba'e rese, a'ese Tüpä omondora peü; peseka, a'ese avei peyosɨra; peñe'ë okendɨpɨve, a'ese oyemboira peü.

San Marcos 10:36

A'e rumo oporandu chupe: –¿Mba'e vo peipota ayapo va'erä peü?

San Marcos 10:50

Ndasesapɨsoi va'e omombo oturukwar, ovɨ'aretesa pɨpe oyemboya Jesús rese oso,

San Juan 20:16

Jesús evokoiyase aipo e'i chupe: –¡María! A'e kuña oyemboyere sese aipo e'i hebreo ñe'ë pɨpe chupe: –¡Rabuni! (“Porombo'esar” oyapave aipo e'i).

Los Hechos 23:19

A'ese sundao rerekwar ɨvate katu va'e oipɨsɨ ipo rese mbɨa chi'ïvä'e, ipare vɨroyepepɨ seraso kokotɨ oporandu chupe: –¿Mba'e vo eremombe'u pota cheu?

Filipenses 4:6

Ani ndapeyembovɨ'ai chira mba'e ipanese peü, iyakatu rumo peyerurera opakatu evokoi nungar mba'e rese Tüpä upe; peporandura mba'e rese, iyavei avɨye ndeu peyera chupe.