San Marcos 10:48 - Tüpä Ñe'ëngagwer

⁴⁸ Ava rumo oñe'ëgätaño yuvɨreko chupe ikiriri agwä, a'e evokoiyase säse pirätä katuño ite: –¡David suindar, che paraɨsuerekomi tëi eve!

Tũpa Ñehengagüer

⁴⁸ Ava rumo oyaca-yacaño, “¡Quiriri!” ehi yuvɨreco chupe. Ahe rumo, —¡David suindar, che paraɨsuerecomi tẽi eve! —ehi pĩrataño ité chupe.

San Marcos 10:48 Iomraidhean Croise

San Mateo 19:13

Oime iyesupa vɨraso va'e chi'ïvä'e Jesús upe yuvɨreko, omondo va'erä opo i'arɨve iyavei oyerure va'erä sese; evokoiyase semimbo'e eta rumo omboɨpɨ oñe'ëgäta voi serasosar upe yuvɨreko.

San Mateo 20:31

A'e ava oñe'ëgätaño imbokiriri agwä, a'e rumo säse pirätä-rätäño ite yuvɨreko chupe: –¡Ore Yar, mborerekwar gwasu David suindar, ore paraɨsuerekomi tëi eve!

San Mateo 9:27

Osëse Jesús a'e ichui, ñuvɨrïo ndasesapɨsoi va'e osakɨkwei moña, säse yuvɨreko chupe: –¡Jesús David suindar, ore paraɨsuerekomi tëi eve!

San Marcos 10:13

Ipare gweru chi'ïvä'e Jesús upe yuvɨreko sese ipoko agwä; semimbo'e eta rumo oñemoɨrö serusar upe yuvɨreko.

San Marcos 5:35

Jesús ñe'ë vɨteseve, oyepota yugweru mborerekwar oɨ judío ñemonu'äsa pendar rëtä sui imombe'u kuñatäi yesupa upe yuvɨreko: –Omano ite nde rayrɨ. ¿Ma'erä vo yamañeko tëira Porombo'esar yaiko?

San Lucas 18:39

Tenonde yuvɨraso va'e ndoipotai ete iñe'ë yuvɨreko, a'e rumo säse pirätäño ite: –¡David Suindar, che paraɨsuerekomi tëi eve!

Efesios 6:18

Peyerure katu: Espíritu pirätäsa pɨpe arɨ yakatu rupi Tüpä upe opakatu yeruresa pɨpe. Pema'emo'ä katuño pe yeruresa pɨpe, peyerureño avei opakatu ava Tüpä reroyasar rese yepi.

Hebreos 5:7

Ko ɨvɨ pɨpe Cristo oikove vɨtese, oyerure pirätä oyase'osa pɨpe Vu Tüpä upe, esepia a'e oikatu ipɨsɨrö agwä manosa sui; egwë e'i iporeroya tuprɨsa pɨpe, Tüpä osendu ite iyeruresa.