San Marcos 10:42 - Tüpä Ñe'ëngagwer

⁴² Jesús rumo oñe'ë opakatu upe aipo e'i: –Peikwa ni'ä akoi ava oporokwai tëi va'e oyeroyarai va'e omborerekwasa rese oporokwai mba'e-mba'e tëi pɨpe, iyavei mborerekwar ɨvate katu va'e omboyekwa ite omborerekwasa ava rese yuvɨreko.

Tũpa Ñehengagüer

⁴² Ahe rumo, “Perio” ehi opacatu upe. Ipare aipo ehi: —Peicua niha acoi mborerecuar guasu yuvɨrecoi vahe Tũpa cuaparẽhɨ oporocuai oporoyuca ai tẽisa pɨpe. Iyavei acoi ɨvate catu vahe oyeecoapɨrasá iteanga omborerecuasa pɨpe yepi.

San Marcos 10:42 Iomraidhean Croise

San Mateo 20:25

Evokoiyase Jesús oñe'ë, aipo e'i chupe: –Peikwa ni'ä ava ndiporeroyai va'e, mborerekwar gwasu oporokwai mba'e-mba'e tëi pɨpe vɨreko ava opovrɨve, ava ɨvate katu va'e omboyekwa ite omborerekwasa ava rese.

San Marcos 10:41

Evokoiyase ambuae semimbo'e opayandepo yovaive va'e iñe'ë renduse, oñemoɨrö Santiago iyavei Juan upe yuvɨreko.

San Marcos 10:43

Pe rumo egwë ndapeyei chira pe yeereko. Iyakatu rumo akoi ava oipota va'e ɨvate katu gweko agwä pe pa'üve, i'añeko rane itera opakatu ambuae ava rese,

San Lucas 22:25

Jesús aipo e'i: “Ava ndiporeroyai va'e, mborerekwar ɨvate katu va'e oporokwai mba'e-mba'e tëi pɨpe vɨreko ava opovrɨve yuvɨreko, iyavei serekwar yuvɨrekoi va'e upe oso tuprɨ tëi anga'u mba'e avɨye va'e.

1 San Pedro 5:3

Ndapeikoi chira pe remiarö upe inungar mborerekwar gweko ɨvatesa pɨpe oporokwai pirätä va'e, pemboyekwara rumo pe rekokwer avɨye va'e chupe imbo'esa tuprɨ pɨpe.