San Marcos 10:33 - Tüpä Ñe'ëngagwer

³³ “Peikwa ni'ä, yasora tekwa Jerusalén ve, a'eve rumo che, ava ɨvate katu va'e Ra'ɨrɨ, che pɨsɨra che mondo pa'i eta rerekwar iyavei Moisés porokwaita rese oporombo'e va'e povrɨve, a'e tomano e'ira yuvɨreko cheu ipare che mondo aveira ava nda'ei va'e yande mu upe yuvɨreko.

Tũpa Ñehengagüer

³³ “Peicua niha, yasora tecua Jerusalén ve, aheve rumo che, Ava Rɨquehɨr, che pɨsɨra che mondo pahi eta rerecuar iyavei Moisés porocuaita rese oporombohe vahe povrɨve yuvɨreco. Ahe, ‘Tomano’ ehira yuvɨreco cheu. Ipare che mondo aveira ava ndahei vahe yande mu upe yuvɨreco.

San Marcos 10:33 Iomraidhean Croise

San Mateo 16:21

Evokoiyase ichuive tuprɨ Jesús omboɨpɨ imombe'u gwemimbo'e eta upe, a'e oso va'erä tekwa Jerusalén ve, a'e judío rerekwar, pa'i eta rerekwar ɨvate katu va'e iyavei Moisés porokwaita rese oporombo'e va'e, a'e che mombaraɨsu ukara. Iyavei aipo e'i che yukara yuvɨreko no, ipare imombosapɨsa arɨ pɨpe rumo akwerayevɨra.

San Mateo 26:66

¿marä e'i aipo pe pɨ'ave? A'e rumo aipo e'i yuvɨreko: –Supiete oyavɨ mba'e, tomanoño ite.

San Mateo 27:2

Ipare oipokwa-pokwa seraso yuvɨreko mborerekwar ɨvate katu va'e Pilato Roma pendar rovai.

San Marcos 14:64

Yasendupa ni'ä aipo Tüpä upe iñe'ë-ñe'ë tëisa, ¿Marä e'i aipo evokoiyase pe pɨ'ave? Opakatu ava pɨ'ave avɨye ite esepia ni'ä oyavɨ ite mba'e sese tomano e'i yuvɨreko chupe.

San Marcos 15:1

Ko'ë potase, pa'i eta rerekwar, judío rerekwar, Moisés porokwaita rese oporombo'e va'e iyavei opakatu Ava porandusa ɨvate katu va'e pendar oñemonu'ä yuvɨreko. Ipare oipokwa-pokwa Jesús seraso Pilato upe yuvɨreko.

San Marcos 8:31

Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

San Marcos 9:12

A'e rumo omboyevɨ chupe: –Supi ete ni'ä Elías rane oura, opakatu mba'e moigätu agwä. ¿Ma'erä evokoiyase araka'endar Ikwachiaprɨ pɨpe aipo e'i ava ɨvate katu va'e Ra'ɨrɨ oiporarara mba'e oiko, iyavei vɨroɨröra yuvɨreko no?

San Marcos 9:31

esepia gwemimbo'e gweraño ite ombo'e. Aipo e'i: –Che ava ɨvate katu va'e Ra'ɨrɨ, imondoprɨ aikora che amotare'ɨ̇mbar povrɨve, che yuka aveira yuvɨreko; mbosapɨ arɨ pare rumo akwerayevɨra.

San Lucas 23:21

a'e rumo säse pirätä katu ñoite aipo e'i yuvɨreko: –¡Tayatɨkasa! ¡Tayatɨkasa!

San Lucas 9:22

Iyavei aipo e'i chupe: –Che ava ɨvate katu va'e Ra'ɨrɨ che paraɨsu itera, iyavei opakatu judío rerekwar, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇ aikora. A'e avei che yuka ukara yuvɨreko, mbosapɨ arɨ rupi rumo akwerayevɨra.

San Juan 18:28

Ipare vɨraso Jesús Caifás rëtä sui yuvɨreko mborerekwar Roma pendar ñemonu'äsave. Esepia ko'ë ite ou, judío eta rumo ndoyuvɨroikei ete mborerekwar ɨvate katu va'e ñemonu'äsave, yuvɨroikese ndovɨroyai chietera porokwaita yuvɨreko viña iyavei ndoyuvɨro'ui tembi'u Pascua resendar yuvɨreko viña.

San Juan 18:32

Egwë e'i yavɨye Jesús ñe'ë agwer imano agwä resendar.

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Los Hechos 13:27

Jerusalén pendar rerekwar avei ndoikwai evokoi Jesús Tüpä remimbou sekoise yuvɨreko, iyavei ndosendukwai Tüpä ñe'ë mombe'usar kwachiar pɨpe oyerokɨse mbɨtu'usa arɨ yakatu yuvɨreko; ichui a'e ae oyuka yuvɨreko, egwë e'i imboavɨye Jesús rese Tüpä ñe'ë mombe'usar rembikwachiagwer pɨpe yuvɨreko.

Los Hechos 20:22

Kurïtëi asora Jerusalén ve, Espíritu che kwaisa pɨpe, ndaikwai rumo mba'e oimerä a'eve cheu.

Santiago 5:6

Peñe'ë pɨpe pemombaraɨsu tëi ava ndoyapoi va'e mba'e yuvɨreko; yepe marä nde'i yuvɨreko peü viña, pe rumo peyukaño ite.