San Marcos 10:24 - Tüpä Ñe'ëngagwer

²⁴ Ko ñe'ësa nombovɨ'ai tëi semimbo'e eta, evokoiyase Jesús aipo e'i iri: –Che ra'ɨreta, ¡yavai ete Tüpä mborerekwasave mba'e yar reike agwä!

Tũpa Ñehengagüer

²⁴ Semimbohe evocoiyase, “¡Mara ehi rutei!” ehi tẽi iñehe renduse yuvɨreco. Ahe rumo omombehu iri: —Che rahɨreta, ¡yavai eté Tũpa mborerecuasave imbahe eta vahe reique ãgua ombahe eta rese tẽi ipɨhañemoñeta vahe upe!

San Marcos 10:24 Iomraidhean Croise

San Mateo 19:25

Aipo iñe'ë renduse, semimbo'e eta oyepɨ'amondɨi, aipo e'i tëi yuvɨreko: –Evokoiyase, ¿uma pi'ä oikatura oñepɨsɨrö?

San Marcos 1:27

Opakatu ava oyembosɨkɨye, ichui oporandu-randu oyeupe yuvɨreko: –¿Mba'e pi'ä ko? ¡Esepia ko mbɨa porombo'esa ipɨasu va'e ite vɨreko avei omborerekwasa! ¡Karugwar avei ete omboyeroya oyeupe iñe'ëse yuvɨreko!

San Marcos 10:23

Evokoiyase Jesús oma'ese oɨvɨrindar rese, aipo e'i gwemimbo'e eta upe: –¡Yavai ete rumo ava mba'e yar reike agwä Tüpä mborerekwasave!

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

San Juan 13:33

Che ra'ɨreta che rembiaɨsu, ndaiko puku iri chira rumo pe rese. Pe rumo che reka tëira peye; inungar akoi amombe'u va'e judío eta upe a'e tuprɨ avei aipo amombe'u kurïtëi peü: Ndapei katui chietera peso va'erä che asosave.

San Juan 21:5

Jesús oporandu aipo e'i gwemimbo'e upe: –Mbɨa chi'ïvä'e, ¿ndapembo'aimi ete vo pira? A'e omboyevɨ yuvɨreko chupe: –Ani ete.

San Juan 6:60

Osenduse ko yembo'esa, seta Jesús rupi ogwata va'e aipo e'i yuvɨreko: –Ko aipo e'i va'e yavai ete seroya agwä yandeu; ¿ava vo vɨroya tëira viña?

Gálatas 4:19

Che ra'ɨreta, che paraɨsu iri ete vichiko, inungar kuña imembɨrasɨ va'e, Cristo sekoi va'erä pe rese.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 4:4

Che ra'ɨreta, pe rumo Tüpä suindar peiko. Iyavei pesekopɨ ite akoi semirä tëi va'e, esepia Espíritu sekoi va'e pe rese, a'e ipirätä katu karugwar sui.

1 San Juan 5:21

Che ra'ɨreta, peñearö tuprɨ katu akoi tüpä oroiko e'i tëi va'e sui.

Apocalipsis 3:17

Esepia pepɨ'añemoñeta che mba'e yar ite opakatu mba'e areko, nipanei ete mba'e cheu peye viña; pe rumo ndapeikwai pe paraɨsusa che Ru rovake inungar ndasesapɨsoi va'e, iyavei ndapeyavɨi nditurukwai va'e peiko.