San Marcos 10:21 - Tüpä Ñe'ëngagwer

²¹ Evokoiyase Jesús oma'e saɨsupave sese, aipo e'i chupe: –Ñepëi mba'e rumo ipane vɨte ndeu: eso emondopa rane nde mba'e seprɨ evokoiyase emondo ava iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

Tũpa Ñehengagüer

²¹ Evocoiyase omahe saɨsusave sese, aipo ehi chupe: —Ñepei mbahe rumo ipane vɨte ndeu: eso, emondopa rane nde mbahe; ahe seprɨ evocoiyase emondo ava iparaɨsu vahe upe. Ichui ererecora mbahe avɨye vahe ɨvave. Ipare ereguatara che rupi —ehi chupe.

San Marcos 10:21 Iomraidhean Croise

San Mateo 16:24

Ipare Jesús aipo e'i gwemimbo'e eta upe: –Akoi ogwata pota va'e che rupi, tasesarai mba'e gwemimbotar aposa sui, tovosɨi rane okurusu rese ipare togwata che rupi.

San Mateo 19:21

Jesús omboyevɨ chupe: –Ereipotase mba'e tuprɨ pɨpe nde reko agwä, eso emondopa tuprɨ rane mba'e erereko va'e iyavei emondopa rane ava iparaɨsu va'e upe. Ichui ramo ite ererekora mba'e avɨye va'e ɨvave. Ipare eregwatara che rupi.

San Marcos 10:22

Aipo oyeupe ese rumo, a'e mbɨa oyepepɨño ichui ovɨ'are'ɨ̇save oso, esepia a'e mba'e yar ite sekoi.

San Marcos 8:34

Ipare Jesús, oñe'ë gwemimbo'e eta upe iyavei ambuae ava upe aipo e'i: –Akoi ava ogwata pota va'e che rupi, topoi mba'e gwemimbotar tëi aposa sui, iyavei inungar-ra kurusu rese ovosɨira viña, toyemoigätu voi che rekokwer rese oparaɨsu agwä iyavei togwata tuprɨ che rupi.

San Lucas 10:42

ñepëi mba'e rumo oime avɨyekatu va'e. A'e María oiporavo oyeupe narä mba'e avɨye katu va'e, iyavei ndipoi chietera ava vɨrokwa va'e ichui.

San Lucas 12:33

Pemondopa mba'e pereko va'e, pemondo avei ava iparaɨsu va'e upe; iyavei peikora mba'e rɨru ndopai va'e nungar, a'eve ɨvave peyapokatura ndopai va'e mba'e serekoprɨ, iyavei ava imondarai va'e ndoikatui chietera oike agwä mba'e rasoi avei ndoikatui chietera oike imomarä agwä.

San Lucas 16:9

Amombe'u tuprɨ aipo peü peiporu evokoi pe gwarepochi pereko va'e ko ɨvɨ pɨpe pe mborɨpar reime agwä, ichui opase pe gwarepochi, a'ese Tüpä pe pɨsɨra teko apɨre'ɨ̇save kuri.

San Lucas 18:22

Aipo i'ese rumo, Jesús omboyevɨ chupe: –Ipane vɨte ñepëi mba'e ndeu: emondopa opakatu mba'e erereko va'e iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

San Lucas 19:41

Oyepota senimise tekwa Jerusalén ve, a'e tekwa repiase Jesús oyase'o sese,

San Lucas 9:23

Ipare rumo aipo e'i opakatu upe: –Akoi ogwata pota va'e che rupi, tasesarai mba'e gwembiapokwer sui, toyapo mba'e arɨ yakatu rupi paraɨsusa pɨpe ipare togwata che rupi.

San Juan 12:26

Akoi che mboyeroya pota va'e, togwata che rupi yuvɨreko; che asosave a'eve avei yuvɨrekoira che mboyeroyasar. Akoi che mboyerosar oime va'e, che Ru avei omboeteira sereko.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Los Hechos 2:45

omondo ambuae ava upe oɨvɨ iyavei omba'e eta yuvɨreko, seprɨ omondo oyeupe mba'e panesa rupi-rupi.

2 Corintios 12:15

Evokoiyase che kere'ɨ̇sa pɨpe amondora opakatu che mba'e areko va'e pe pɨtɨ̇vɨï agwä, iyavei opakatu che rekokwer rese ayemondo peü pe reko tuprɨ agwä. Che rumo opoaɨsu iteanga, ¿pe tie revo ndache raɨsu tuprɨi ete peye?

2 Timoteo 3:12

Supiete opakatu akoi Cristo Jesús rese gwekokwer vɨreko pota va'e, oiporarara mba'e-mba'e tëi yuvɨreko;

Hebreos 10:34

Pesaɨsuño avei ambuae sokendaprɨ yuvɨreko, opase pe mba'e vɨrokwa yuvɨreko pe sui peñemosaño avei pe vɨ'aretesa pɨpe peiko, esepia peikwa ɨvave perekora mba'e avɨye katu va'e iyavei apɨre'ɨ̇ va'e.

Santiago 2:10

Esepia akoi ava vɨroya va'e opakatu mborokwaita, ipare rumo oime ñepëi nomboavɨye tuprɨi va'e, a'e oyavɨ opakatu mborokwaita.

Apocalipsis 2:14

Che rumo aikwa mba'e pe resendar: eipeve amove ava ndoyepepɨ potai ete Balaam porombo'esa sui yuvɨreko. A'e omboarakwa Balac Israel pendar mboangaipa uka agwä, toyuvɨro'uño mba'e ro'o seropove'ëprɨ mba'e ra'anga upendar tëi oya, toyemboagwasaño yuvɨreko oyapave avei.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.

Apocalipsis 2:4

Che rumo aikwa oime mba'e nda'ei va'e che pɨ'a rupi pe rembiapo: ndapeyeaɨsu iri inungar yɨpɨndar.