San Marcos 10:18 - Tüpä Ñe'ëngagwer

¹⁸ Jesús evokoiyase omboyevɨ chupe: –¿Ma'erä vo, avɨye va'e ere cheu? Oime rumo ñepëi avɨye va'e ite, a'e Tüpä sekoi.

Tũpa Ñehengagüer

¹⁸ Jesús evocoiyase aipo ehi ahe mbɨa upe: —¿Mahera vo, “Avɨye vahe” ere cheu? Oime rumo ñepei avɨye vahe ité, ahe Tũpa secoi.

San Marcos 10:18 Iomraidhean Croise

San Mateo 19:17

Jesús omboyevɨ chupe: –¿Ma'erä vo ereporandu cheu mba'e avɨye va'e rese? Avɨye va'e oime ñepëiño ite. Erereko potase rumo tekovesa apɨre'ɨ̇ va'e, emboyeroya mborokwaita.

San Marcos 10:17

Ogwata vɨtese Jesús, a'eseve mbɨa chi'ïvä'e oña oso sovai, oñenopɨ'ä, oporandu chupe: –Porombo'esar avɨye va'e, ¿mba'e vo ayapora tekovesa apɨre'ɨ̇ va'e rereko agwä?

San Marcos 10:19

Ereikwa ni'ä Tüpä porokwaita: ‘Ndereporoyukai chira, nandeagwasai chira, nandemondai chira, nanderemiräi chira ambuae ava rese, ndereporombopai chira, eremboyeroyara nde ru, nde sɨ avei.’

San Lucas 18:19

Jesús omboyevɨ chupe: –¿Ma'erä vo avɨye va'e ere cheu? Oime rumo ñepëi avɨye va'e ite: a'e Tüpä.

Romanos 3:12

Opakatu ava ogwata mba'e naporäi va'e pɨpe; opakatu avei sekokwer kokotɨ tëi yuvɨreko. ¡Ndipoi ete ava mba'e tuprɨ aposar! ¡Ndipoi avei ñepëi angara viña!

Santiago 1:17

esepia opakatu imbouprɨ mba'e avɨye va'e yandeu, a'e ou Tüpä sui ete, a'e ni'ä opakatu ɨva rese mba'e aposar. Nda'ei rumo gwembiapo nungar sekoi esepia Tüpä noñekuñaröi va'e ite.

1 San Juan 4:16

Egwë ya'e ikwa, seroya tuprɨ agwä ko Tüpä yande raɨsusa. Tüpä ni'ä yeaɨsusa, akoi vɨreko va'e oporoaɨsusa, sekoi Tüpä rese, Tüpä avei sekoi sese.

1 San Juan 4:8

Akoi ndosaɨsui va'e ava, a'e ndoikwai Tüpä yuvɨreko. Esepia Tüpä yeaɨsusa sekoi.