San Marcos 10:14 - Tüpä Ñe'ëngagwer

¹⁴ Evokoiyase Jesús osepiase, ndasorɨi gwemimbo'e eta upe aipo e'i: –Ma'erä ndapeipotai iyu agwä, toyugweruño chi'ïvä'e cheu, esepia ko chi'ïvä'e nungar ava yuvɨroikera Tüpä mborerekwasave.

Tũpa Ñehengagüer

¹⁴ Evocoiyase Jesús osepiase, ndasorɨi güemimbohe upe aipo ehi: —¡Mahera ndapeipotai iyu ãgua! Toyugüeruño chĩhivahe cheu. Esepia, co chĩhivahe nungar ava yuvɨroiquera che Ru Tũpa mborerecuasave.

San Marcos 10:14 Iomraidhean Croise

San Mateo 18:10

“Peroɨröi rene katu ñepëi chi'ïvä'emi. Supiete aipo a'e ɨvave mbigwai ɨva pendar osepiaño ite che Ru pirätäsa yuvɨreko yepi.

San Mateo 18:4

Seko ɨvate katu va'e Tüpä mborerekwasave a'e oñemominimi va'e oyevɨra inungar ko chi'ïvä'emi sekoi.

San Mateo 19:14

Evokoiyase Jesús aipo e'i: –Toyugweruño chi'ïvä'e cheu, ani ndapeyei chira chupe, esepia Tüpä mborerekwasa a'e inungar tuprɨ yuvɨrekoi.

San Mateo 5:10

Sorɨvete katura akoi ava seko katuprɨ rese imombaraɨsuprɨ, esepia a'e chupe narä ite Tüpä mborerekwasa.

San Mateo 5:3

“Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Marcos 8:33

Oyemboyere rumo, oma'e gwemimbo'e eta rese, oñe'ëgäta Pedro upe aipo e'i: –¡Esɨrɨ che sui, Karugwar! Esepia nde nandepɨ'añemoñetai mba'e Tüpä upendar rese; ava nungar tëi nde pɨ'añemoñeta eiko.

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

Los Hechos 2:39

Esepia ko ñe'ësa imombe'uprɨ a'e peü narä pe suindar upe narä, iyavei opakatu amombrɨ Tüpä sui yuvɨrekoi va'e upe narä avei; a'e akoi opakatu yande Yar Tüpä oyeupe narä gweru pota va'e.

Los Hechos 3:25

Peü kurïtëi omboavɨye ite omombe'u va'ekwer Tüpä oñe'ë mombe'usar rupi, iyavei kurïtëi oyapo va'e pe ramoi eta upe oiko, Tüpä rumo aipo e'i Abraham upe: ‘Opakatu tekwa ɨvɨ pɨpendar sovasaprɨ itera ndesuindar yuvɨreko.’

Romanos 11:16

Esepia yɨpɨndar mboyape yapoprɨ seropove'ësa va'e Tüpä upe, opakatu mboyapevɨ evokoiyase sovasaprɨ avei ichui. Iyavei ɨvɨra rapo seropove'ësa va'e Tüpä upe, egwë e'i avei opakatu säkä sovasaprɨ sekoi.

Romanos 11:28

Egwë e'i kurïtëi judío eta ndosendu potai ñe'ësa pɨsɨrösa resendar yuvɨreko, sese Tüpä amotare'ɨ̇sar yuvɨrekoi peü mba'e tuprɨ agwä rumo egwë e'i; Tüpä rumo osaɨsu vɨte, esepia yɨpɨve ite oiporavo tamoi eta oyeupe.

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

1 Corintios 7:14

Esepia ko kuña Jesús reroyasar vɨrekose omer nda'ei va'e Jesús reroyasar, nda'ei ete angaipa pɨpe yuvɨrekoi Tüpä rovai; egwë e'i aveira kuimba'e Jesús reroyasar vɨrekose gwembireko Jesús reroyasare'ɨ̇, egwë nde'ise rumo, pe ra'ɨrɨ avei ndoyavɨi chira nda'ei va'e Jesús reroyasar ra'ɨrɨ yuvɨreko viña. A'e pe ra'ɨrɨ rumo Tüpä upendar ite yuvɨrekoira.

Efesios 4:26

Peyemboangaipai rene peñemoɨröse, iyavei ndiyai peñemoɨrö arɨ momba tuprɨ peiko.

2 Timoteo 1:5

Supiete chema'endu'año nde Tüpä reroyasa supiete erereko va'e rese. Iyavei nde yari Loida, nde sɨ Eunice, a'e ni'ä yɨpɨndar egwë e'i yuvɨreko. Evokoiyase ayeroyaño nde rese, nde avei egwë erese.

2 Timoteo 3:15

Iyavei eyemoma'endu'a ko rese, nde chi'ïvä'e suive ite ni'ä ereikwa Tüpä ñe'ë Ikwachiaprɨ eiko, a'e ni'ä nde momba'ekwa va'e nde pɨsɨrö agwä Cristo Jesús reroyasa pɨpe.

1 San Pedro 2:2

Inungar pitanimi okwakwa agwä oipota kambɨ; egwë peye aveira pe kere'ɨ̇sa pɨpe Tüpä ñe'ëngagwer rese pe yembo'e katu iri agwä, peiko va'erä avei poropɨsɨrösa pɨpe,

Apocalipsis 14:5

Ndipoi ete temirä sese, esepia ni'ä ndipoi ete mba'e sembiavɨ yuvɨreko.