San Marcos 10:1 - Tüpä Ñe'ëngagwer

¹ Ipare Jesús osë tekwa Cafarnaúm sui, oso Judea ɨvɨ rupi ɨai Jordán rovai arɨ sësa kotɨ. A'eve ava re'ɨi oñemonu'ä iri yuvɨreko sese. Iyavei ombo'e iri ava gwekokwer rupi tuprɨ.

Tũpa Ñehengagüer

¹ Ipare Jesús osẽ tecua Capernaum sui, oso Judea ɨvɨ rupi ɨai Jordán rovai arɨ sẽsa cotɨ. Aheve ava rehɨi oñemonuha iri yuvɨreco sese. Iyavei ombohe iri ava güecocuer rupi tuprɨ.

San Marcos 10:1 Iomraidhean Croise

San Mateo 26:55

A'ese oporandu Jesús ava re'ɨi upe: –¿Ma'erä vo peyu peiko kɨse puku rese iyavei ɨvɨra reseve-seve che pɨsɨ agwä, inungar che imondarai va'e che rereko peye? Arɨ yakatu rupi ni'ä aporombo'e vichiko tüpäro pɨpe yepi, iyavei a'eve ndache pɨsɨi ete peye.

San Mateo 4:23

Jesús ogwata opakatu Galilea ɨvɨ rupi, oporombo'e oɨ judío ñemonu'äsave tekwa yakatu rupi. A'eve ñe'ësa avɨye va'e omombe'u Tüpä mborerekwasa resendar, ombogwera avei opakatu-katu tëi mba'erasɨsa ava vɨreko va'e sui.

San Marcos 1:21

Oyepotase Cafarnaúm ve yuvɨreko, mbɨtu'usa arɨ pɨpe Jesús oike oɨ judío ñemonu'äsave omboɨpɨ oporombo'e.

San Marcos 10:2

Evokoiyase fariseo oyemboya Jesús rese seko'ä agwä tëi, avɨye pi'ä kuimba'e omenda va'e opoi gwembireko sui e'i yuvɨreko chupe.

San Marcos 12:35

Jesús oporombo'ese tüpäro pɨpe, aipo e'i oporandu: –¿Ma'erä ru Moisés porokwaita rese oporombo'e va'e Poropɨsɨrösar oura David sui e'i yuvɨreko?

San Marcos 14:49

Arɨ yakatu rupi ni'ä pe pa'üve aporombo'ese tüpärove vichiko, ichui ndache pɨsɨi ete peye. Ko rumo egwë peye Ikwachiaprɨ mboavɨye agwä ite.

San Marcos 2:13

Ipare Jesús oso iri ɨpa ɨvɨi; a'eve oporombo'e oyese ava re'ɨi yemboyase.

San Marcos 4:2

Evokoiyase ava mbo'e agwä omboyoya tekokwer mba'e tɨ̇sa rese. Oporombo'esa pɨpe aipo e'i imombe'u:

San Marcos 6:2

Oyepotase mbɨtu'usa arɨ, a'ese oporombo'e oɨ judío ñemonu'äsa pɨpe. Seta Jesús ñe'ë rendusar, oyepɨ'amondɨisave oporandu-randu yuvɨreko: –¿Kesui vo ko ava oikwapa opakatu mba'e? ¿Kesui pi'ä vɨnose ko mba'ekwasa iyavei poromondɨisa apo agwä?

San Marcos 6:34

Ogweyɨse rumo Jesús ɨarusu pɨpe sui, osepia ava re'ɨi, a'ese iparaɨsu ava eta chupe, inungar ovesa ndovɨrekoi va'e gwarösar; ipare ombo'e opakatu mba'e rese.

San Marcos 6:6

Ndoyembovɨ'ai tëi ava vɨroyae'ɨ̇sa pɨpe. Ipare Jesús oso ogwata tekwa-tekwami namombrɨi va'e rupi, oporombo'e oiko.

San Juan 10:40

Oyevɨ iri oso Jesús ɨai Jordán rovai, ipare opɨtaño a'eve, supi Juan yɨpɨndar oporoapirämo oiko.

San Juan 11:7

Ipare aipo e'i gwemimbo'e eta upe: –Yayevɨ irira ɨvɨ Judea ve.

San Juan 18:20

Jesús aipo e'i chupe: –Che añe'ë peü opakatu rupi iyavei opakatu ava rovake; esepia aporombo'eño va'e ite oɨ judío ñemonu'äsa rupi iyavei tüpäro pɨpe, a'eve oñemonu'ä judío eta yuvɨreko yepi; egwë a'e nañemi ete mba'e mombe'u.