San Marcos 1:27 - Tüpä Ñe'ëngagwer

²⁷ Opakatu ava oyembosɨkɨye, ichui oporandu-randu oyeupe yuvɨreko: –¿Mba'e pi'ä ko? ¡Esepia ko mbɨa porombo'esa ipɨasu va'e ite vɨreko avei omborerekwasa! ¡Karugwar avei ete omboyeroya oyeupe iñe'ëse yuvɨreko!

Tũpa Ñehengagüer

²⁷ Opacatu ava ombosɨquɨye, ichui oporandu-randu oyeupe yuvɨreco aipo ehi: —¿Mbahe pĩha co? ¡Iporombohesa ipɨasu vahe ité! ¡Co mbɨa vɨreco ité omborerecuasa! ¡Caruguar avei eté omboyeroya oyeupe iñehese! —ehi tẽi ava yuvɨreco.

San Marcos 1:27 Iomraidhean Croise

San Mateo 15:31

Ava re'ɨi oyepɨ'amondɨi sepiase yuvɨreko ava niñe'ëgätui va'e opa iñe'ëgätu, ipäri-päri va'e okwera tuprɨ, ndogwatai va'e ogwatapa avei ndasesapɨsoi va'e osareko. Ipare omboɨpɨ Israel Tüpä mboetei yuvɨreko.

San Mateo 8:9

Esepia che ni'ä serekwa va'e aveino, areko avei sundao che povrɨve. A'e chupe eso peve a'ese, kurïtëi oso; ambuae upe erio ave, a'ese ou voi avei cheu; iyavei che rembigwai upe a'e mba'e eyapo a'ese, che reroya ite.

San Mateo 9:33

Jesús omosëse karugwar ichui, a'ese niñe'ëgätui va'e omboɨpɨ oñe'ë. Ava rumo ndoyembovɨ'ai tëi, aipo e'i yuvɨreko: –¡Ndasepiasai va'e ite ko nungar tekwa Israel pɨpe yepi!

San Marcos 1:26

Evokoiyase karugwar mbɨa rese sekoi va'e omoeo'ä seitɨ ɨvɨve, säse pirätä osë oso ichui.

San Marcos 1:28

Kurïtëimi voi yandusa Jesús reräkwä opakatu ɨvɨ Galilea rupi.

San Marcos 10:24

Ko ñe'ësa nombovɨ'ai tëi semimbo'e eta, evokoiyase Jesús aipo e'i iri: –Che ra'ɨreta, ¡yavai ete Tüpä mborerekwasave mba'e yar reike agwä!

San Marcos 10:32

Yuvɨrasose Jerusalén ve, iyavei Jesús tenonde sekoi gwemimbo'e eta upe. Semimbo'e rumo ndoyembovɨ'ai tëi iyavei sakɨkwerindar osɨkɨye yuvɨreko. A'eve Jesús oñe'ë iri kokotɨmi gwemimbo'e opayandepo yovaive ñuvɨrïo yuvɨrekoi va'e upe, ichui omboɨpɨ imombe'u ko mba'e-mba'e tëi reime agwä aipo e'i:

San Marcos 16:5

Yuvɨroikese te'ögwer ruvɨpave a'eve osepia, omba'e rese pokosa kotɨ, mbɨa chi'ïvä'e iturukwar puku morochi va'e ogwapɨse öi. A'ese kuña oyembosɨkɨye yuvɨreko,

San Marcos 16:6

a'e rumo aipo e'i chupe: –Pesɨkɨyei rene. Pe peseka Jesús Nazaret pendar, a'e akoi yatɨkaprɨ. A'e rumo okwerayevɨ; ndipoi ete ko'ave. Pesepia ru supagwer.

San Marcos 7:37

Evokoiyase ava oyembovɨ'a gwasusave, aipo e'i yuvɨreko: “Avɨye ite rumo mba'e sembiapo. ¡Esepia ndayapɨsai va'e omboapɨsa iñe'ë ɨpɨtɨ-pɨtɨ va'e avei omoñe'ëgätu tuprɨ!”

San Lucas 4:36

Opakatu ava oyembosɨkɨye, iyavei oporandu-randu tëi mba'e rese oyeupe yuvɨreko: –¿Marä e'i vo aipo ko oñe'ë oiko? Opakatu opirätäsa pɨpe ko mbɨa oyokwai karugwar ava sui imose agwä, ¡ipare yuvɨnosepa yuvɨraso!

San Lucas 9:1

Jesús opa omonu'ä opayandepo yovaive ñuvɨrïo tuprɨ va'e gwemimbo'e, ipare omondo opirätäsa iyavei omborerekwasa opakatu-katu tëi karugwar mboyepepɨ agwä mba'erasɨ posano agwä avei.

Los Hechos 17:19

Evokoiyase vɨraso Areópago ve, a'eve oporandu yuvɨreko chupe: –¿Iya pi'ä eremombe'u tuprɨ mitëira ko nde porombo'esa ipɨasu va'e oreu?