San Lucas 9:41 - Tüpä Ñe'ëngagwer

⁴¹ Jesús omboyevɨ chupe: –¡Too ndapeyeroya vɨtei etevo che rese iyavei pepɨ'a ñemoñetasa kokotɨ tëi pereko! ¿Mbovɨ rupi rutei vo aiko vɨtera pe pa'üve che ñemosasa pɨpe? Eru nde ra'ɨrɨ ko'ave.

Tũpa Ñehengagüer

⁴¹ Ahe omboyevɨ: —¡Too, ndapeyeroya tuprɨ vɨtei eté che rese, co cotɨ tẽi vɨte pe pɨhañemoñetasa! ¿Mbovɨ rupi rutei vo aico vɨtera pe pãhuve che ñemosasa pɨpe? Eru nde rahɨr cohave cheu —ehi ahe mbɨa upe.

San Lucas 9:41 Iomraidhean Croise

San Mateo 11:28

Peyu cheu opakatu ikwerai va'e oporavɨkɨsa rese, iyavei che amondora pɨtu'usa peü.

San Mateo 12:39

Jesús rumo omboyevɨ chupe: –Pe ava ndasekoporäi va'e ndiporeroyai va'e avei peporandu poromondɨisa tekokwer kwa agwä rese; che rumo namboyekwai chira ambuae poromondɨisa; Tüpä ñe'ë mombe'usar Jonás rekokwer gweraño amboyekwara peü.

San Mateo 12:45

Evokoiyase oso ñuvɨrïo ova karugwar naporäi katu va'e monu'ä oyesui, iyavei opakatu tuprɨ yuvɨroike ava avɨterve, a'e opɨta mba'e tëi katu yɨpɨndar va'e sui. Egwë e'i tuprɨ aveira yuvɨreko ava kurïtëindar ndiporeroyai va'e.”

San Mateo 16:4

Ko ava ndasekoporäi ndipɨ'a ñemoñetai va'e oporandu poromondɨisa rese yuvɨreko; nimboyekwasai chietera chupe inungar poromondɨisa oso va'e Jonás upe.” Ichui oseyapaño ava oso.

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

San Mateo 23:36

Supiete opakatu ko mba'e tëi oura ñemoɨrösa ava kurïtëindar rese.”

San Mateo 3:7

Juan osepiase ava fariseo eta iyavei saduceo eta, yuvɨraso oñeapirämo agwä chupe viña, a'e rumo aipo e'i: “¡Pe mboi mboetasa tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

San Marcos 10:14

Evokoiyase Jesús osepiase, ndasorɨi gwemimbo'e eta upe aipo e'i: –Ma'erä ndapeipotai iyu agwä, toyugweruño chi'ïvä'e cheu, esepia ko chi'ïvä'e nungar ava yuvɨroikera Tüpä mborerekwasave.

San Marcos 10:49

Evokoiyase Jesús iñe'ë renduse opɨta aipo e'i: –Peñe'ë chupe. Ichui oñe'ë ndasesapɨsoi va'e upe, aipo e'i yuvɨreko: –Eyemongere'ɨ̇, epü'a esepia oñe'ë aipo ndeu.

San Marcos 9:19

Jesús omboyevɨ chupe: –¡Pe ava ndaperoyai va'e Tüpä peiko! ¿Mbovɨ rupi rutei vo aiko vɨtera pe pa'üve? ¿Mbovɨ rupi rutei ayapo vɨtera vichiko mba'e peü? Peru evokoi chi'ïvä'e cheu.

San Lucas 8:25

Ipare aipo e'i gwemimbo'e eta upe: –¿Ma'erä vo ndapeyeroyai che rese? A'e rumo osɨkɨye iyavei ndoyembovɨ'ai tëi, ichui oporandu-randu tëi avei oyeupe yuvɨreko: –¿Uma pi'ä ko mbɨa sekoi, esepia ni'ä ɨvɨtuai paragwasu avei omboyeroya?

San Lucas 9:40

Amombe'u tëi ni'ä nde remimbo'e eta upe vɨnose va'erä karugwar ichui, ndoikatui ete rumo yuvɨreko.

San Lucas 9:42

Oyemboyase chi'ïvä'e oso sese, a'ese karugwar ombovɨapi ɨvɨve imondo ipare rumo omoeo'ä iri ete; Jesús rumo oñe'ëgäta karugwar upe, a'e chi'ïvä'e ipare ombogwera imboyevɨ imondo iyesupa upe.

San Juan 14:9

Jesús omboyevɨ chupe: –Felipe, che aiko kurïtëi ko'ave seta arɨ pepa'üve, ¿ndachekwa vɨtei ete vo peye? Akoi che repiasar rumo, a'e osepia avei che Ru; ¿ma'erä vo ereporandu torosepia nde Ru ere cheu?

San Juan 20:27

Ipare aipo e'i Tomás upe: –Emoinge nekwä ko'ave, iyavei ema'e ko che po rese; iyavei embou ndepo emoinge che ɨke rese. Ani ereikora poreroya'ɨ̇sa pɨpe; ¡che reroya katu eve!

Los Hechos 13:18

Tüpä oñemosaño ite yande ramoi rekoai upe cuarenta aravɨter yuvɨrekoise ɨvɨ iporupɨre'ɨ̇sa rupi,

Los Hechos 2:40

Egwë e'i oñe'ë vɨte, ava mboarakwa aipo e'i: –¡Peyepepɨ ko ava sekokwer kokotɨ tëi va'e sui!

Romanos 2:4

Nde ereroɨrö Tüpä rembiapo mba'e ndopai va'e iñemosasa resendar avei, nande pɨ'añemoñetai rumo mba'e sembiapo avɨye va'e rese, ipɨpe sui tosekuñarö gwekokwer oyapave egwë e'i ndeu.

Hebreos 3:19

Ipɨpe sui yaikwa ndoikatui ete yuvɨroike agwä a'e ɨvɨ imoigätuprɨ pɨpe, esepia ni'ä ndovɨroyai ete yuvɨreko.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

Hebreos 4:2

Esepia yandeu avei imombe'usa ñe'ësa poropɨsɨrösa resendar inungar yande ramoi upe ɨvɨ iporupɨre'ɨ̇ rupi yuvɨreko araka'e. Ko ñe'ësa rumo ndoipɨtɨ̇vɨï ete a'e ava yuvɨreko. Esepia a'e osendu yuvɨreko seroya e'ɨ̇save tëi.

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.