San Lucas 8:44 - Tüpä Ñe'ëngagwer

⁴⁴ A'e kuña evokoiyase oyemboya oso sakɨkwei kotɨ opoko iturukwar popɨ rese, a'e ramose voi opɨtu'u suvɨ yepɨyere-yeresa ichui.

Tũpa Ñehengagüer

⁴⁴ Ahe cuña evocoiyase oyemboya oso saquɨcuei cotɨ opoco iturucuar popɨ rese. Ipare ahe pɨpeve voi opɨtuhu suvɨ ichui.

San Lucas 8:44 Iomraidhean Croise

San Mateo 20:34

Jesús oiparaɨsuerekosave, opoko sesa rese. A'e ramoseve ndasesapɨsoi va'e osareko tuprɨai ete yuvɨreko, ipare yuvɨraso Jesús rupi.

San Mateo 8:3

Jesús opoko sese, aipo e'i chupe: –Aipota. ¡Erekwerara kurïtëi! Aipo i'e ramoseve, mba'erasɨ vai rerekosar okwera voi ete omba'erasɨsa sui.

San Mateo 9:20

Evokoiyase ñepëi kuña opayandepo yovaive ñuvɨrïo aravɨter rupi imba'easɨ va'e, suvɨ yepɨyere-yere va'e, oyemboya oso Jesús rese sakɨkwei kotɨ ipare opoko iturukwar popɨ rese.

San Marcos 6:56

Oyepotase akoi Jesús ñepëi tekwave oso, inungar-ra tekwami popɨve, tekwa gwasuve, anise ka'a pɨpe, a'e supi imba'easɨ va'e okar rupi vɨnosepa voi yuvɨreko topokomi tëi nde turukwar popɨ rese e'i yuvɨreko chupe; evokoiyase opakatu sese opoko va'e, okwerapa voi ete.

San Lucas 13:13

Evokoiyase omondo opo i'arɨve, a'eseve voi kuña oyemo'ɨ̇vi tuprɨ ipare omboɨpɨ Tüpä mboetei oiko.

San Lucas 7:38

A'eve oyase'o iteanga oñenopɨ'ä Jesús pɨve oso ichui opa tuprɨ gwesaɨ pɨpe omoakɨ̇. Ipare opa omombiru o'a pɨpe ichui, iyavei oipɨrupɨte, oipɨyere avei mba'e sɨäkwä va'e ipɨ rese.

San Lucas 8:43

Ñepëi kuña imba'easɨ va'e sekoi ava pa'ü rupi vɨreko va'e omba'erasɨsa opayandepo yovaive ñuvɨrïo aravɨter tuprɨ, a'e suvɨ yepɨyere-yere va'e, opa-opa tëi omondo omba'e okwera agwä oporoposano va'e upe; ndoikatui ete rumo imbogwera yuvɨreko.

San Lucas 8:45

A'ese Jesús aipo e'i oporandu: –¿Ava vo opoko che rese? Opakatu ava nomombe'u potai ete sese opokose yuvɨreko, evokoiyase Pedro aipo e'i chupe: –Porombo'esar, ava oyembotɨ tuprɨ va'e nde moañɨ-añɨi yuvɨreko.

San Juan 5:13

A'e mbɨa rumo ndoikwa iri ombogwerasar, esepia Jesús avɨyeteramo tëi ndoyekwa iri ava re'ɨi pa'üve.

Los Hechos 19:12

iyavei takuvo kɨtɨsa turukwar avei Pablo omonde va'ekwer, a'e serasosa imba'easɨ va'e upe imbogwera agwä, karugwar avei opa yuvɨnosë yuvɨreko ichui.

Los Hechos 5:15

Iyavei ava re'ɨi vɨnose yuvɨreko imba'easɨ va'e, supa reseve-seve Pedro renonderä, oñokwäse Pedro avɨyeteramo omo'ära i'ägwer a'ese revo ombogwerara e'i yuvɨreko oyeupe.