San Lucas 8:14 - Tüpä Ñe'ëngagwer

¹⁴ Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

Tũpa Ñehengagüer

¹⁴ Acoi mbahe rãhɨi seitɨprɨ yu pãhu rupi, ahe inungar acoi osendu tẽi vahe. Ipare rumo oyemboyepepɨ uca mbegüeño ambuae mbahe rese opɨhañemoñetá iteangasa pɨpe tẽi, ombahe eta rese iyavei güemimbotarai mbahe tẽi potasa pɨpe avei. Ẽgüe ehi ahe ava inungar mbahe mitɨ ndihai vahe ité.

San Lucas 8:14 Iomraidhean Croise

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Marcos 4:19

a'e rumo ipɨ'a ñemoñeta opakatu omba'e eta ko ɨvɨ pɨpendar rese saɨsusave, oyembopa uka rumo omba'e eta upe, opakatu ite mba'e vɨreko pota viña. Ipɨpe sui oyemokañɨ tëi yuvɨreko, omokañɨ tëi avei Tüpä ñe'ëngagwer. Iyavei ndoyapo ukai mba'e ikatuprɨ va'e chupe.

San Lucas 16:13

“Ndipoi chira mbigwai omboyeroya va'e ñuvɨrïo gwerekwar; esepia ndoyambotai chira ñepëi, ambuae evokoiyase osaɨsu katura, ambuae saɨsuprɨ katura sekoi, ambuae evokoiyase ndosaɨsui chira. A'ese ndapeikatui chietera Tüpä pɨsɨ agwä pe mba'e eta rese.”

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

San Lucas 8:13

Mba'e rä'ɨi seitɨprɨ ita pa'ü rupi, a'e inungar akoi ava osendu va'e ñe'ësa avɨye va'e iyavei oipɨsɨ ovɨ'aretesa pɨpe, a'e rumo ndovɨrekoi gwapo ovɨräkwä tuprɨ agwä oyese; vɨroya raimi tëi yuvɨreko, oyepotase rumo tekoa'äsa arɨ chupe ipare opaño oyepepɨ yuvɨreko ichui.

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Lucas 8:7

Iyavei ambuae save mba'e rä'ɨi oitɨ yu pa'ü rupi; ipare oyoya tuprɨ sorɨ yuvɨreko yu rumo opaño ite oyopɨ.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

2 Timoteo 4:10

esepia Demas che reya ko mba'e ɨvɨ pɨpendar tëi potasave, ichui tëi oso tekwa Tesalónica ve. Crescente oso tekwa Galacia rupi, iyavei Tito oso Dalmacia ve.

Hebreos 6:1

Sese ndiyai yayembo'e yembo'esa yɨpɨndar va'e Cristo resendar a'e avei-vei va'e rese. Iya rumo yagwata katu tenonde inungar ava oikwa katu va'e mba'e. Ipɨpe sui tayaikwa seroyasa pɨpe ambuae mba'e Tüpä suindar ko mba'e rese yembo'e iri rägwer sui, a'e yɨpɨndar va'e ko yande ñekuñarösa, yande rekoai sui yande poisa, manosa apɨre'ɨ̇ va'esave yande reraso e'ɨ̇ agwä, iyavei Tüpä rese yande yeroyasa,