San Lucas 8:13 - Tüpä Ñe'ëngagwer

¹³ Mba'e rä'ɨi seitɨprɨ ita pa'ü rupi, a'e inungar akoi ava osendu va'e ñe'ësa avɨye va'e iyavei oipɨsɨ ovɨ'aretesa pɨpe, a'e rumo ndovɨrekoi gwapo ovɨräkwä tuprɨ agwä oyese; vɨroya raimi tëi yuvɨreko, oyepotase rumo tekoa'äsa arɨ chupe ipare opaño oyepepɨ yuvɨreko ichui.

Tũpa Ñehengagüer

¹³ Acoi mbahe rãhɨi seitɨprɨ ita mahugüer rupi, ahe inungar acoi ava osendu tẽi vahe Tũpa Ñehengagüer yuvɨreco iyavei oipɨsɨ tuprɨ ovɨharetesa pɨpe yuvɨreco viña no. Ahe rumo inungar co mbahe mitɨ ndovɨrecoi vahe guapo ovɨ̃racua ãgua; vɨroya raimi tẽi yuvɨreco. Oyepotase rumo mbahe tẽi chupe, oyepepɨ voiño yuvɨreco ichui.

San Lucas 8:13 Iomraidhean Croise

San Marcos 6:20

esepia Herodes osɨkɨyeño ichui, oikwase ko mbɨa reko tuprɨaisa iyavei seko maräne'ɨ̇se, sese osepɨño ite. Yepe ndoyembo'e katui osenduse iñe'ë viña, Herodes rumo osendu pota raiño ite Juan ñe'ë.

San Lucas 8:12

iyavei mba'e rä'ɨi perɨ rupi seitɨprɨ, a'e inungar akoi ava osendu va'e ñe'ësa avɨye va'e, ipare rumo ou karugwar chupe vɨrokwapaño ipɨ'a pɨpe sui, tovɨroya eme iyavei toñepɨsɨrö eme oyapave.

San Lucas 8:14

Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

San Juan 15:2

Akoi ñepëi che remitɨ̇ räkä ndi'aise cheu; a'e oyasɨara vɨrokwara säkä ichui omoatɨrö tuprɨ katu aveira sereko, ti'a katu oyapave.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

San Juan 5:35

Juan ni'ä inungar tataendɨ, egwë e'i omboyekwa mba'e supiete va'e. Sese peyembovɨ'a raimi tëi iporombo'esa tesapesa nungar pɨpe peiko.

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

1 Corintios 15:2

Ko ñe'ësa reroya pɨpe ni'ä peñepɨsɨröra peiko, peyemovɨräkwä aveira sese, inungar che amombe'u peü; egwë ndapeyeise rumo, peroya tuprɨ tëietera.

Gálatas 3:1

¡Ndapemba'ekwai ete pe Galacia pendar! ¿Pe ndoyavɨi ipaye va'e remimbopa peiko? Oromombe'u tuprɨ ni'ä pe rovai ete akoi Jesucristo kurusu rese yatɨka agwer peü.

Gálatas 3:4

¿Peipɨsɨ tuprɨ tëi pi'ä mba'e avɨye va'e?... ¡Ani nda'ei egwë e'i tuprɨ tëi va'erä!

Efesios 3:17

Cristo tasekoi pe pɨ'a pɨpe peporeroyasa rese, iyavei pe poroaɨsusa pɨpe pe yemovɨräkwä katu agwä peyese.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 2:7

pe yemovɨräkwäsa pɨpe, peyembo'esa rese peyemomirätä katura Cristo rese pe yeroyasa pɨpe, iyavei avɨye ndeu peye itera Tüpä upe arɨ yakatu yepi.

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

Hebreos 10:39

Yande nda'ei oyepepɨ va'e nungar yaiko, evokoi nungar ni'ä okañɨ tëi va'erä yuvɨreko, yande rumo yayeroya sese ipɨpe yañepɨsɨrö.

Santiago 2:26

Egwë e'i yande rembiapo katuprɨ ndayamboyekwaise yande yeroyasa pɨpe, a'e inungar avei Espíritu ndasekoise yande rese, yande yeroyasa evokoiyase omano tëiete oiko.

2 San Pedro 2:20

Esepia, akoi oikwa va'e yande Yar, yande pɨsɨrösar Jesucristo yuvɨreko, ipɨpe oyepepɨ ko ɨvɨ pɨpendar mba'e-mba'e tëi sui, oyeitɨ uka irise rumo ko nungar mba'e tëi pɨpe, ichui ndoikatu iri yuvɨnosë. Ipare mba'e tëi katu yɨpɨndar sekokwer sui yuvɨreko chupe.

2 San Pedro 2:22

Supiete yavɨye ñe'ësa imombe'uprɨ sesendar: “Kave rumo o'u iri ogwë'e”, iyavei aipo e'i “Kuchi oyasu pare oyevɨ iri tuyusave oyemboavaete agwä.”

1 San Juan 2:19

A'e oyepepɨ yande pa'ü sui; nda'ei ete rumo yande rɨvrɨ yuvɨrekoi, esepia akoi yande rupindar ite yuvɨrekoise, a'ese opɨtara yande pɨri yuvɨreko viña. Egwë e'i oyekwa nda'eise opakatu yande rupindar yuvɨreko.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.