San Lucas 7:41 - Tüpä Ñe'ëngagwer

⁴¹ Jesús aipo e'i iri: –Ñuvɨrïo mbɨa vɨrokwa yuvɨreko ñepëi gwarepochi mondosar sui. Quinientos tuprɨ, ambuae evokoiyase cincuenta tuprɨ vɨrokwa;

Tũpa Ñehengagüer

⁴¹ Evocoiyase Jesús aipo ehi chupe: —Ñuvɨrío mbɨa oime vɨrocua guarepochi mbɨa guarepochi mondosar sui yuvɨreco. Ñepei vɨrocua guarepochi quiniento tuprɨ mboravɨquɨ repɨrã ichui. Ambuae evocoiyase cincuenta rupive vɨrocua.

San Lucas 7:41 Iomraidhean Croise

San Mateo 18:28

“Osëse oso ichui, a'ese ipɨtɨ̇vɨïsar osepia ñepëi omboetasagwer vɨnose va'e gwarepochi movɨrö tëi va'e gwerekwar sui. A'e oipɨsɨ iyesɨ'o rese ipare seni oyuka, aipo e'i chupe: ‘¡Emboepɨpa gwarepochi erenose va'ekwer che sui!’

San Mateo 6:12

Iyavei ndeñeröi ore angaipa rese oreu inungar ore oreñeröi ore amotare'ɨ̇mbar upe.

San Marcos 6:37

Jesús rumo omboyevɨ gwemimbo'e upe: –Pemondo pe mba'e semi'urä. A'e rumo omboyevɨ yuvɨreko chupe: –¿Iyakatura pi'ä oreu doscientos arɨ rupindar mboyape repɨrä, ava mbokaru agwä?

San Lucas 11:4

Nde ñeröi ore angaipa rese oreu, esepia ore avei ni'ä oreñerö ambuae upe opakatu oreu mba'e-mba'e tëi aposar upe. Ore mbo'a ukai rene eve, angaipa pɨpe.’

San Lucas 12:48

Akoi mbigwai nomboavɨyei va'e okwaita ikwa tuprɨ e'ɨ̇sa pɨpe vɨreko aveira ñemoɨrösa, nda'ei chira rumo ñemoɨrösa tutei va'e chupe. Esepia ni'ä akoi imondosa katu va'e ikwaitarä, porandusa katura chupe; akoi ava iporeroya katu va'e upe, porandusa katu aveira mba'e rese.”

San Lucas 13:4

¿Peroya avei akoi ava dieciocho tuprɨ yuvɨrekoi va'e omanopase oɨ ɨvate va'e Siloé ovɨapise i'arɨve a'e yangaipa katu ambuae eta Jerusalén pɨpendar sui?

San Lucas 7:40

Evokoiyase Jesús aipo e'i fariseo upe: –Simón, amombe'u pota ñepëi mba'e ndeu. A'ese fariseo omboyevɨ chupe: –Emombe'u cheu, Porombo'esar.

San Lucas 7:47

Sese aipo a'e ndeu ko angaipa gwasu vɨreko va'e kuña oipɨsɨ ite ñeröisa, esepia vɨreko ite poroaɨsusa tuvicha va'e che rese; akoi ava upe nañeröisa tuprɨi va'e, a'e ndoporoaɨsu tuprɨi avei.

Romanos 3:23

opakatu ite oyemboangaipa, sese ndosupitɨi ete Tüpä reko porañetesa yuvɨreko.

Romanos 5:20

Supiete porokwaita ouse araka'e a'ese angaipa yaposa katu ite; yepe egwë e'i viña Tüpä porovasasa rumo ɨvate katu ite ichui.