San Lucas 7:34 - Tüpä Ñe'ëngagwer

³⁴ Koiye che ayu, ava ɨvate katu va'e Ra'ɨrɨ, akaru iyavei aɨ'u, ipare pe aipo peye ikaru gwasuai va'e iɨ'u gwasuai va'e avei peye cheu, ava angaipa viyar mborɨpar tëi iyavei gwarepochi rerokwasar Roma pendar upe narä mborɨpar tëi peye cheu.

Tũpa Ñehengagüer

³⁴ Coiye che ayu, Ava Rɨquehɨr, acaru iyavei aɨhu tuprɨ avei. Ipare, ‘Co mbɨa icaru guasu ai vahe secoi, iɨhu guasu ai vahe avei no’ peye cheu; ‘Ava angaipa viyar mborɨpar tẽi iyavei ava guarepochi rerocuasar mborɨpar tẽi’ peye avei cheu.

San Lucas 7:34 Iomraidhean Croise

San Mateo 11:19

Ipare koiye katu rumo ou ava ɨvate katu va'e Ra'ɨrɨ, okaru iyavei oɨ'u avei, ipare aipo peye, ko ikaru gwasuai va'e sekoi iɨ'u gwasuai va'e avei, ava angaipa viyar mborɨpar tëi gwarepochi rerokwasar mborɨpar tëi peye avei cheu. Tüpä mba'ekwasa rumo, a'e ikwasara sembiapokwer rese.”

San Mateo 5:46

Pe raɨsupar gweraño pesaɨsu katu tëise, ¿mba'e pi'ä peipɨsɨra ichui? Egwë e'i tuprɨ avei gwarepochi rerokwasar Roma ve narä yuvɨreko yepi.

San Mateo 9:11

Ko nungar repiase, fariseo eta oporandu semimbo'e eta upe yuvɨreko: –¿Ma'erä ru pe mbo'esar okaru evokoi gwarepochi rerokwasar iyavei angaipa viyar pa'üve tëi?

San Lucas 11:37

Opase Jesús oñe'ë, ñepëi fariseo vɨraso gwëtäve imbokaru, Jesús oikese sëtäve oso ogwapɨ karusa rendave öi.

San Lucas 14:1

Egwë e'i aipo ñepëi mbɨtu'usa arɨ pɨpe Jesús oso okaru mborerekwar fariseo rëtäve, a'eve ambuae fariseo eta oivɨro yuvɨreko.

San Lucas 15:2

Fariseo eta iyavei Moisés porokwaita rese oporombo'e va'e vɨroɨrö tëi yuvɨreko, aipo e'i: –Ko mbɨa omborɨ potarai ava yangaipa gwasu va'e, okaru avei ipa'üve.

San Lucas 19:7

Osepiase rumo, opakatu ava vɨroɨrö Jesús yuvɨreko aipo e'i, oso opɨta ava yangaipa va'e rëtäve tëi.

San Lucas 5:29

Ipare koiye katu, Leví oyapo pieta gwasu gwëtäve Jesús upe narä; a'eve seta avei gwarepochi rerokwasar Roma pendar upe narä, ambuae ava avei yuvɨrekoi a'eve, yuvɨrogwapɨ yuvɨnoi karusa rendave ipɨri.

San Lucas 7:33

Esepia ou Juan Oporoapirämo va'e, a'e ndo'ui va'e mboyape ndoɨ'ui va'e avei uva rɨkwer, pe evokoiyase aipo peye chupe vɨreko va'e karugwar oyese.

San Lucas 7:35

Tüpä mba'ekwasa pɨpe ikwasara opakatu mba'e sembiapokwer.”

San Lucas 7:36

Ñepëi fariseo oñe'ë Jesús upe, okaru va'erä ipɨri, ipare Jesús oso sëtäve. Ogwapɨ öi karusa rendave,

San Juan 12:2

A'eve okaru yuvɨreko Jesús mboeteisave; Marta i'añeko sese; Lázaro evokoiyase okaru yuvɨnoi ipɨri.

San Juan 2:2

Jesús iyavei semimbo'e eta icho'oprɨ yuvɨrekoi mendasave.