San Lucas 7:33 - Tüpä Ñe'ëngagwer

³³ Esepia ou Juan Oporoapirämo va'e, a'e ndo'ui va'e mboyape ndoɨ'ui va'e avei uva rɨkwer, pe evokoiyase aipo peye chupe vɨreko va'e karugwar oyese.

Tũpa Ñehengagüer

³³ Esepia, ou Juan Oporoãpiramo vahe oico. Ahe ndohui vahe pan iyavei ndoɨhui vahe uva rɨcuer. Pe evocoiyase, ‘Co mbɨa caruguar vɨreco vahe’ peye tuprɨ tẽi chupe no.

San Lucas 7:33 Iomraidhean Croise

San Mateo 10:25

Iyavei semimbo'e avɨye ite e'iñorä ombo'esar osekoupitɨse, iyavei mbigwai gwerekwar nungar tuprɨ aveira. Akoi oɨ yar upe karugwar rerekwar Beelzebú e'ise, ¿marä e'ira pi'ä sëtä pɨpendar upe yuvɨreko?”

San Mateo 3:1

Juan Oporoapirämo va'e oso oyemboyekwa Judea ɨvɨ rupi ava yemboerekwa e'ɨ̇save.

San Mateo 3:4

Juan turukwar evokoiyase camello ragwer apoprɨ, iyavei oyumbɨkwa mba'e pirer pɨpe; sembi'u evokoiyase tukru iyavei eirɨ ka'a pɨpendar.

San Marcos 1:6

Juan turukwar camello ragwer apoprɨ, sumbɨkwasa mba'e pirer; o'u tukru iyavei eirɨ ka'a pɨpendar.

San Lucas 1:15

esepia ni'ä nde ra'ɨrɨ sekokwer tuvichara oiko yande Yar rovai. Ndoɨ'ui chietera uva rɨkwer sai va'e, iyavei Espíritu Maräne'ɨ̇ pɨpe sekoira oyesu e'ɨ̇ renondeve.

San Lucas 7:32

Inungar chi'ïvä'e igwayɨ tëi ogwapɨ okarusuve öi ipare säse puku-puku omborɨpar upe: ‘Oromoñe'ë tëi mimbɨ, pe rumo ndapepɨvoi ete; iyavei orosapukai tëi sapukaisa vɨ'are'ɨ̇sa resendar, pe rumo ndapeyase'oi ete.’

San Lucas 7:34

Koiye che ayu, ava ɨvate katu va'e Ra'ɨrɨ, akaru iyavei aɨ'u, ipare pe aipo peye ikaru gwasuai va'e iɨ'u gwasuai va'e avei peye cheu, ava angaipa viyar mborɨpar tëi iyavei gwarepochi rerokwasar Roma pendar upe narä mborɨpar tëi peye cheu.

San Juan 10:20

Seta iteanga ipa'ü pendar aipo e'i va'e: –¿Ma'erä vo pemboyeroya, esepia vɨreko ite karugwar oyese iyavei ndayarakwai ete oiko?

San Juan 8:48

Evokoiyase judío eta aipo e'i yuvɨreko: –Supiete ore aipo oro'e nde ereiko Samaria ɨgwar, iyavei erereko karugwar ndeyese.

San Juan 8:52

Judío eta omboyevɨ yuvɨreko aipo e'i chupe: –Kurïtëi oroikwa ite nde ererekose karugwar ndeyese. Esepia Abraham iyavei opakatu Tüpä ñe'ë mombe'usar omanopa ite yuvɨreko, iyavei nde aipo ere: ‘Akoi che ñe'ë reroyasar, nomanoi chietera.’

Los Hechos 2:13

Ambuae ava rumo, seroɨrösa pɨpe aipo e'iño yuvɨreko: –¡Osavaɨpo mo evokoi yuvɨreko!