San Lucas 7:25 - Tüpä Ñe'ëngagwer

²⁵ Anise, ¿mba'evo evokoiyase pesepia? ¿Pesepia tie ava iturukwar porañeteai va'e? Peikwa ite ava oyemboeteai va'e gweko porañetesa pɨpe sekoi va'e, a'e rumo mborerekwar ɨvate katu va'e rëtä pipe yuvɨrekoi yepi.

Tũpa Ñehengagüer

²⁵ Anise, ¿pesepia tie iturucuar porañete ai vahe iyemboeteise? Ẽgüe ehi vahe rumo secoi mborerecuar guasu guapɨsave yepi.

San Lucas 7:25 Iomraidhean Croise

San Mateo 11:8

Anise, ¿mba'e vo evokoiyase pesepia? ¿Ñepëi kuimba'e iturukwar porañeteai va'e pi'ä? Pe rumo peikwa ite oyemonde tuprɨai va'e yuvɨrekoi mborerekwar ɨvate katu va'e rëtäve.

San Mateo 3:4

Juan turukwar evokoiyase camello ragwer apoprɨ, iyavei oyumbɨkwa mba'e pirer pɨpe; sembi'u evokoiyase tukru iyavei eirɨ ka'a pɨpendar.

San Mateo 6:29

Ko rumo, che aipo a'e evokoi mborerekwar gwasu Salomón, vɨreko atɨ va'e mba'e porañetesa oyese, oyemonde inungar a'e yuvɨrekoi va'e.

San Lucas 16:19

“Oime aipo ñepëi mbɨa mba'e yar, oyemonde turukwar avɨye va'e pɨpe oyemboetei eteanga, iyavei arɨ yakatu oyapo pieta opakatu mba'e rese oyemboetei aisa pɨpe.

San Lucas 7:24

Juan rupindar yuvɨraso pare, Jesús omboɨpɨ imombe'u ava upe Juan rekokwer aipo e'i: “¿Mba'evo pesepia pe ɨvɨ iporue'ɨ̇sa rupi? ¿Kapi'iata ɨvɨtu ombova-mbova va'e nungar pi'ä?

San Lucas 7:26

Evokoiyase ¿mba'e ite vo pesepia? ¿Tüpä ñe'ë mombe'usar tie? Supiete ko mbɨa ɨvate katu va'e Tüpä ñe'ë mombe'usar sui sekoi.