San Lucas 7:13 - Tüpä Ñe'ëngagwer

¹³ A'e kuña repiase, yande Yar oiparaɨsuereko aipo e'i chupe: –Ereyase'oi rene.

Tũpa Ñehengagüer

¹³ Cuña repiase rumo, oiparaɨsuereco. Ipare aipo ehi chupe: —Ereyaseho eme —ehi.

San Lucas 7:13 Iomraidhean Croise

San Marcos 8:2

–Iparaɨsu katu ko ava yuvɨreko cheu, esepia mbosapɨ arɨ yuvɨrekoi yande pɨri, iyavei ndipoi ete mba'e sembi'urä.

San Lucas 10:1

Ko ipare, yande Yar egwë e'i tuprɨ avei iporavo ambuae setenta y dos tuprɨ, ipare omondo ñuvɨrïo-rïo gwenonerä, opakatu tekwa yakatu rupi iyepota agwä yuvɨreko.

San Lucas 11:1

Ñepëi arɨ Jesús oyerure a'e ae öi; iyerure pare ñepëi semimbo'e aipo e'i chupe: –Ore Yar, ore mbo'emi tëi ore yerure agwä eve, inungar Juan ombo'e gwemimbo'e eta sereko yepi.

San Lucas 11:39

Yande Yar rumo aipo e'i chupe: –Pe fariseo peiko va'e pemoatɨrö ɨgwa rɨru iyavei tembi'u rɨru ikupe rupi tëi, ipɨpe rupi rumo pe egwë e'i tuprɨ avei pe rekokwer pe monda raisave mba'e-mba'e tëi pe reko pɨpe.

San Lucas 12:42

Evokoiyase yande Yar aipo e'i: “¿Umavo ava mba'e rese ñangarekwar omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Lucas 13:15

Yande Yar evokoiyase omboyevɨ chupe: –Pe inungar ava oñe'ë ñotëi va'e tekokwer rese yuvɨreko yepi, ¿ndoyorai vo pe pa'ü pendar akoi gweimba tɨvi iyavei gwariku mbɨtu'usa arɨ pɨpe yuvɨreko imboɨ'u agwä yepi?

San Lucas 17:5

Ko Jesús ñe'ë mombe'usar oporandu yande Yar upe yuvɨreko: –Embou oreu Tüpä rese yeroya katu agwä.

San Lucas 17:6

Evokoiyase yande Yar omboyevɨ chupe: –Perekose yeroyasa Tüpä rese viña, yepe ndoyavɨi chira mostaza rä'ɨi ta'ɨmi va'e viña, aipo peyera ko ɨvɨra tuvicha va'e upe: ‘Eyeapo'o ave sui eñeñetɨ paragwasu pɨpe’, a'ese pe mboyeroya itera.

San Lucas 18:6

Yande Yar aipo e'i iri imombe'u: “Ko aipo e'i mborerekwar ndasekoporäi va'e.

San Lucas 19:8

Zaqueo opü'a aipo e'i Yar upe: –Esepia che Yar, amondora iparaɨsu va'e upe amboya'o tuprɨra imondo mba'e areko va'e; mba'e añomi va'ekwer avei, ayapɨrasa katu-katura irugätu rupi imboyevɨ agwä.

San Lucas 22:61

Evokoiyase yande Yar oyemboyere oma'e Pedro rese, Pedro rumo oyemoma'endu'a yande Yar ñe'ë aipo e'i va'e agwer rese: “Ko pɨpe, takura ñe'ë renondeve, ndaikwai va'e erera mbosapɨ yupagwer rupi cheu.”

San Lucas 24:3

yuvɨroike voi tuvɨpa pɨpe, ndoyosɨi rumo yande Yar Jesús re'ögwer yuvɨreko.

San Lucas 24:34

aipo e'i yuvɨreko chupe: –Supiete rumo yande Yar okwerayevɨ, esepia oyemboyekwa ite Simón upe.

San Lucas 7:12

Vɨrovɨse tekwa yuvɨraso, osepia ñepëi te'ögwer vɨrasose ñotɨ̇ agwä yuvɨreko, a'e kuña membrɨ sekoi ñepëimi va'e ite, a'e kuña sekoi imer mano va'ekwer. Ava re'ɨi avei yuvɨraso supi tekwa pɨpendar.

San Lucas 7:14

Ipare voi oyemboya oso sese opoko te'ögwer rɨru rese, iyavei serasosar vɨropɨtaño voi ete yuvɨreko. Jesús aipo e'i omano va'e upe: –Mbɨa chi'ïvä'e, che aipo a'e ndeu: ¡Eñarapü'a!

San Lucas 7:19

ipare omondo yande Yar upe, oporandu agwä a'e pi'ä ou va'erä anise ñasäröra tie ambuae yaiko.

San Lucas 8:52

Opakatu ava oyase'o atɨ, ndoyembovɨ'ai tëi sese yuvɨreko. Jesús rumo aipo ava upe: –Ani peyase'o; ko kuñatäi nomanoi oke tëi ou.

San Juan 11:2

Ko akoi María, Lázaro reindrɨgwer, a'e oipɨyere va'e mba'e sɨäkwä va'e yande Yar pɨ rese ipare omombiru o'a pɨpe.

San Juan 11:3

A'e ñuvɨrïo oyekupɨ'ɨrɨ va'e omondo oñe'ë Jesús upe yuvɨreko: –Che Yar, nde mborɨpar, nde rembiaɨsu imba'easɨ ou.

San Juan 20:13

Mbigwai ɨva pendar aipo e'i oporandu yuvɨreko chupe: –Kuña, ¿ma'erä vo ereyase'o? A'e omboyevɨ chupe: –Esepia ni'ä che Yar re'ögwer vɨraso yuvɨreko, iyavei ndaikwai kevo katu omondo yuvɨreko.

San Juan 20:15

Jesús oporandu chupe: –Kuña, ¿ma'erä vo ereyase'o? ¿Ava vo ereseka eiko? A'e kuña, omo'ä mba'e mitɨ̇ rëtä rärösar revo e'i viña, a'ese aipo e'i chupe: –Nde ite ererasose, emombe'uño cheu kevo eremondo, che aso va'erä seka.

San Juan 4:1

Fariseo eta oyandu yuvɨreko Jesús vɨreko katuse ava oyeupi ogwata va'e oporoapirämo katuse avei Juan sui

San Juan 6:23

A'eseve ambuae ɨarusu vɨroyepota seru tekwa Tiberias sui, akoi ñepëi save Yar ava remi'urä mboyape reroyerokɨ agwer rerovɨkave.

1 Corintios 7:30

akoi ndovɨ'ai va'e, toyuvɨrekoi eme ovɨ'are'ɨ̇sa pɨpe iyavei akoi ovɨ'arete va'e, a'e toyuvɨrekoi eme avei ovɨ'aretesa pɨpe, iyavei vɨrokwa va'e mba'e oma'erä toyuvɨrekoi inungar mba'e ndovɨrokwai va'e oma'erä; yande Yar rese opɨ'a ñemoñetasa pɨpe;

1 Tesalonicenses 4:13

Che rɨvrɨ eta, ore oroipota peikwa va'erä manosa rekokwer, sese ndapeikoi chira pe vɨ'are'ɨ̇sa pɨpe inungar ambuae ava ndoyeroyai va'e Tüpä rese yuvɨreko.

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.