San Lucas 6:28 - Tüpä Ñe'ëngagwer

²⁸ peporandu porovasasa rese ava peü iñe'ë-ñe'ë tëi va'e upe narä, peyerure avei peü mba'e tëi oyapo va'ekwer rese.

Tũpa Ñehengagüer

²⁸ Peporandu Tũpa porovasasa rese ava pẽu iñehe-ñehe tẽi vahe upe nara; peyerure Tũpa upe pẽu mbahe tẽi oyapo vahe recocuer rese.

San Lucas 6:28 Iomraidhean Croise

San Mateo 5:44

Che rumo aipo a'e peü: Pesaɨsu katu pe amotare'ɨ̇mbar, iyavei peyerure pe momarä potasar rese.

San Lucas 23:34

Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.” Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

San Lucas 6:27

“Peyapɨsaka va'e che ñe'ë rese aipo a'e peü: Pesaɨsu ava pe amotare'ɨ̇mbar, peyapo tuprɨ mba'e avɨye va'e ava ndape ambotai va'e upe,

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

Los Hechos 14:5

Evokoiyase oime judío iyavei nda'ei va'e judío oyemoñeta mborerekwar rese marä-marä tëi sereko agwä yuvɨreko iyavei yapi-yapi agwä ita pɨpe.

Los Hechos 7:60

Ipare oñenopɨ'ä oñe'ë pirätä: “¡Che Yar, ndeñerö ko ava che amotare'ɨ̇sar angaipa upe!” Aipo o'e pare omano.

Romanos 12:14

Peyerure pe amotare'ɨ̇mbar rese. Peporandu porovasasa rese a'e ava upe narä; ani pe avei peñe'ë marä chupe.

1 Corintios 4:12

ore oroporavɨkɨño ite oroyembogwerai tëi ipɨpe. Ava rumo iñe'ë marä-marä tëiete yuvɨreko oreu; ore evokoiyase oromboyevɨño iñe'ë mba'e tuprɨ pɨpe chupe; ore reka-reka katuño ite ore momarä agwä yuvɨreko; ore rumo oroñemosaño ite yuvɨreko chupe.

Santiago 3:10

Egwë e'i ete, yande ñe'ë pɨpe yamboetei Tüpä, ipɨpe avei yaroɨrö ava. Che rɨvrɨ eta, ndiyai evokoi nungar mba'e yayapo yepi.

1 San Pedro 3:9

Oyapose ava mba'e tëi peü, anise oñe'ë raise, ndapemboyevɨi chira chupe. Iyakatu rumo mba'e tuprɨsa pɨpe pemboyevɨra chupe, evokoi nungar mba'e apo agwä rese ni'ä Tüpä pe poravo porovasasa pɨsɨ agwä.