San Lucas 6:27 - Tüpä Ñe'ëngagwer

²⁷ “Peyapɨsaka va'e che ñe'ë rese aipo a'e peü: Pesaɨsu ava pe amotare'ɨ̇mbar, peyapo tuprɨ mba'e avɨye va'e ava ndape ambotai va'e upe,

Tũpa Ñehengagüer

²⁷ “Pe che ñehe rese peyapɨsaca vahe upe rumo aipo ahe: Pesaɨsu ava pe amotarẽhɨmbar; peyapo tuprɨ mbahe avɨye vahe ava nape ambotai vahe upe.

San Lucas 6:27 Iomraidhean Croise

San Marcos 4:24

Iyavei aipo e'i: “Peyapo katu mba'e pesendu va'e. Pe rembiapo nungar rupi tuprɨ asendukwa ukara che ñe'ë peü, Tüpä omondora peü; i'arɨve omondo iri katura peü.

San Lucas 23:34

Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.” Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Lucas 8:18

“Sese, peyapɨsaka tuprɨ, esepia akoi vɨreko va'e mba'e a'e chupe imondosa katu itera; akoi ndovɨrekoi va'e mba'e, serokwasaño itera mba'e vɨreko pota va'e ichui.”

San Lucas 8:8

Ambuae ve rumo oitɨ ɨvɨ avɨye va'e save; a'e sorɨ tuprɨai ete, iyavei i'a vai ete o'ä a'e i'a retakwer amove cien tuprɨ ite ñepëi-pëi mba'e mitɨ̇ sui osë.” Aipo o'e pare, Jesús oñe'ë pɨrätä aipo e'i iri: “¡Vɨreko va'e oapɨsa tosendu tuprɨ!”

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 16:28

A'ese Pablo säse puku chupe: –¡Ereyapoi rene mba'e tëi ndeyeupe, esepia opakatu oroikoveño ko'ave!

Los Hechos 7:60

Ipare oñenopɨ'ä oñe'ë pirätä: “¡Che Yar, ndeñerö ko ava che amotare'ɨ̇sar angaipa upe!” Aipo o'e pare omano.

Gálatas 6:10

Sese yande katugwer rupi yayapo mba'e ikatuprɨ va'e opakatu upe; yande mboetasa Jesús reroyasar upe rumo yayapora.

1 Tesalonicenses 5:15

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

3 San Juan 1:11

Che rɨvrɨ che rembiaɨsu, ereikoi rene evokoi ava rekokwer nungar, ereikora rumo ava avɨye va'e rekokwer rupi. Esepia oyapo va'e mba'e avɨye va'e, a'e Tüpä suindar, akoi oyapo va'e rumo mba'e naporäi va'e, a'e ndoikwai va'e Tüpä.