San Lucas 6:24 - Tüpä Ñe'ëngagwer

²⁴ Pe ¡mba'e yar peiko va'e peparaɨsu katu ite kurïtëi, esepia ni'ä pemboavɨye pe rorɨvetesa peiko!

Tũpa Ñehengagüer

²⁴ “¡Peparaɨsu catu rumo cũritei mbahe yar peico vahe! ¡Esepia niha, pemboavɨye pe rorɨvetesa peico!

San Lucas 6:24 Iomraidhean Croise

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:2

“Evokoiyase, peipɨtɨ̇vɨïse iparaɨsu va'e, ndapemombe'ui chira opakatu ava upe, inungar ava oñe'ë ñotëi va'e tekokwer rese yuvɨreko yepi oɨ judío ñemonu'äsave iyavei okar rupi tëi tayanderepia anga'u ava o'esave tëi. Supiete aipo a'e evokoi vɨreko ite porerekosa oyeupe narä.

San Mateo 6:5

“Akoi peyerurese, ndapeikoi chira inungar ava oñe'ë ñotëi va'e tekokwer rese yuvɨreko yepi, a'e akoi oyerure potarai va'e oɨ judío ñemonu'äsave iyavei okarusu popɨve tacherepia ava yuvɨreko oyapave. Supiete aipo a'e evokoi rese vɨrekora porerekosa oyeupe narä.

San Lucas 6:25

¡Peparaɨsu katu akoi pe i'ɨ̇tarö va'e kurïtëi, esepia ni'ä ndaperɨepoi chira peiko koiye! ¡Peparaɨsu katu akoi pepukaete ete va'e kurïtëi, esepia peyase'ora pe vɨ'are'ɨ̇sa pɨpe koiye!”

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

Santiago 2:6

pe rumo seroɨrösa pɨpe pemochi ava iparaɨsu va'e. ¿Nda'ei vo mba'e yar marä-marä tëi pe rereko yuvɨreko yepi, a'e avei ni'ä pe mbotɨrɨrɨ mborerekwar rovai pe reraso yuvɨreko?