San Lucas 6:23 - Tüpä Ñe'ëngagwer

²³ Peyembovɨ'año, perorɨvete katuñora a'e arɨ pɨpe peiko, esepia ni'ä ipare peipɨsɨra porerekosa tuvicha va'e ɨvave; egwë e'i tuprɨ avei evokoi ava araka'endar marä-marä tëi Tüpä ñe'ë mombe'usar sereko yuvɨreko.

Tũpa Ñehengagüer

²³ Peyembovɨhaño iyavei perorɨvete catuñora ahe arɨ pɨpe peico. Esepia niha, ipare peipɨsɨra porerecosa tuvichá vahe ɨvave. Ẽgüe ehi tuprɨ avei evocoi ava ramoi aracahendar mara-mara tẽi Tũpa ñehe mombehusar sereco yuvɨreco” ehi.

San Lucas 6:23 Iomraidhean Croise

San Mateo 5:12

Pe rumo peyembovɨ'añora, esepia ɨvave tuvicha va'e porerekosa peipɨsɨra kuri; egwë e'i tuprɨ avei ni'ä yɨpɨndar yuvɨrekoi va'e Tüpä ñe'ë mombe'usareta mombaraɨsu yuvɨreko araka'e.”

San Lucas 1:41

Osenduse Isabel avɨrave María suindar, a'ese imembrɨ övɨi sɨe pɨpe, a'ese avei oike Espíritu Maräne'ɨ̇ yavɨterve.

San Lucas 1:44

Esepia cheu avɨrave ereyapose, che membrɨ övɨi voi vorɨvetesave che rɨe pɨpe.

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

Los Hechos 14:10

Evokoiyase aipo e'i oñe'ë pirätä chupe: –¡Epü'a ndepɨ ndeasu kotɨ ë'ä! A'ese a'e mbɨa opo opü'a, ichuive tuprɨ omboɨpɨ ogwata.

Los Hechos 3:8

Evokoiyase ndogwatai va'e opü'a ichui omboɨpɨ ogwata; ipare oike oso tüpärove supi, opo-opo vorɨvetesave iyavei osapukai Tüpä upe.

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

Romanos 5:3

Nda'ei rumo sese gweraño yayembovɨ'a, yande yemombaraɨsusa rese avei ni'ä yayembovɨ'a yaiko; esepia yaikwa ite paraɨsusa yande mbo'e yande ñemosa agwä,

2 Corintios 12:10

Sese Cristo rese che rekosa pɨpe avɨyeño ite ndache pirätäise, ambuae ava oñe'ë raise che rese, mba'e ipanese cheu, ambuae che reka-reka tëise che reko momarä agwä yuvɨreko iyavei mba'e yavai va'e aiporarase Cristo sui, esepia ayanduse che pirätä e'ɨ̇sa a'ese che pirätä katu.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

2 Timoteo 2:12

yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

Hebreos 11:26

Avɨye katu ite chupe Tüpä rembiporavo upe narä mba'e tëi porara agwä, Egipto pendar mba'e eta sepɨrusu va'e rereko rägwer sui; esepia a'e oikwaño ite oyeupe narä porerekosa Tüpä ombou va'erä.

Hebreos 11:6

Nda'ei ete rumo Tüpä pɨ'a rupi yaiko ndayayeroyaise sese, esepia yayemboya potase Tüpä rese, yayeroya rane itera sese iyavei omondora mba'e avɨye va'e vɨroyasar upe narä.

Santiago 1:2

Che rɨvrɨ eta, pevɨ'areteñora peiko akoi oimese tekoa'äsa peü yepi.

1 San Pedro 4:13

Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.

Apocalipsis 2:17

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, semi'urä amondora ndasepiasai va'e maná iyavei amondora ita morochi va'e chupe, a'e ita rese ikwachiasara terer ipɨasu va'e, evokoi ava oipɨsɨ va'e gweraño oikwara.’ ”

Apocalipsis 2:26

Akoi ava oyemovɨräkwä va'e mba'e-mba'e tëi apoe'ɨ̇ agwä, oyapo va'e che remimbotar mano rupi ete, chupe amondora mborerekwar seko agwä opakatu ɨvɨ rupi,

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 21:7

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e oipɨsɨra ko mba'e opakatu oma'erä yuvɨreko; che aikora Tüpä chupe narä yuvɨreko, a'e evokoiyase che ra'ɨrɨ yuvɨrekoira.

Apocalipsis 3:12

Akoi oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e che Ru pɨri narä ite yuvɨrekoira, a'e evokoiyase inungar-ra che Ru Tüpä rëtä vɨräkwäsa ndopai va'e yuvɨreko; sese aikwachia ukara che Ru Tüpä rer che Ru Tüpä rekwa rer aveino, a'e Jerusalén pɨasu, evokoi ou va'erä ɨva pendar che Ru Tüpä sui; aikwachia aveira che rer ipɨasu va'e yuvɨreko sese.

Apocalipsis 3:5

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e sese imondesara turukwar morochi va'e, a'e serer namboye'oi chira kwachiar tekovesa resendar pɨpe sui, asenoira rumo che Ru rovai iyavei sembigwai ɨva pendareta rovake avei kuri.