San Lucas 6:21 - Tüpä Ñe'ëngagwer

²¹ Perorɨvete katu kurïtëindar ndasɨepoi va'e, esepia ni'ä pe'ɨtaröra peiko kuri. Perorɨvete katu pe akoi ava kurïtëi oyase'o va'e, esepia ni'ä pevɨ'aretera koiye peiko.

Tũpa Ñehengagüer

²¹ “Perorɨvete catu cũriteindar ndasɨepoi vahe. Esepia niha, pehɨ̃tarora peico curi. “Perorɨvete catu pe acoi ava cũritei oyaseho vahe. Esepia niha, pevɨharetera coiye peico.

San Lucas 6:21 Iomraidhean Croise

San Mateo 5:4

Sorɨvete katura akoi ava iparaɨsu va'e, esepia ni'ä oipɨsɨra vɨ'aretesa yuvɨreko.

San Mateo 5:6

Sorɨvete katura ava oyapo va'e mba'e teko katuprɨsa avɨye va'e rese esepia chupe ite imondosara.

San Lucas 1:53

Ava yarakwa pota va'e omboarakwa ava che arakwa vai e'i va'e rumo, nomboarakwai ete.

San Lucas 6:20

Jesús oma'e gwemimbo'e eta rese, aipo e'i chupe: “Perorɨvete katu pe iparaɨsu va'e, esepia ni'ä Tüpä mborerekwasa peü narä ite sekoi.

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Lucas 6:25

¡Peparaɨsu katu akoi pe i'ɨ̇tarö va'e kurïtëi, esepia ni'ä ndaperɨepoi chira peiko koiye! ¡Peparaɨsu katu akoi pepukaete ete va'e kurïtëi, esepia peyase'ora pe vɨ'are'ɨ̇sa pɨpe koiye!”

San Juan 11:35

A'ese Jesús oyase'o.

San Juan 4:10

Jesús omboyevɨ chupe: –Ereikwase Tüpä porerekosa ndeundar viña iyavei ereikwase a'e ava ndeu ɨ rese oporandu va'e, nde evokoiyase ereporandura sese chupe, a'e evokoiyase omondora ɨ ndopai va'e ndeu viña.

San Juan 6:35

Jesús rumo aipo e'i chupe: –Che ite aiko a'e mboyape tekovesa mondo agwä. Akoi ou va'e cheu ndiyumbɨasɨ iri chietera; iyavei akoi che reroyasar, ndi'use iri chietera.

1 Corintios 4:11

Kurïtëi oroikove vɨte ite ore rɨepore'ɨ̇ pɨpe, ore usei tëi iyavei ndore turukwai ete; ava evokoiyase marä-marä tëi ore rereko yuvɨreko, iyavei ndorovɨrekoi ore rëtä

2 Corintios 11:27

Amboavɨyepa ite mboravɨkɨ yavai va'e; seta yupagwer avei ndakei vichiko; aiporara tɨepore'ɨ̇ usei avei; seta yupagwer rupi ndakarui ete; so'ɨ̇sagwer avei aiporara, ndacheturukwai avei vichiko.

2 Corintios 12:10

Sese Cristo rese che rekosa pɨpe avɨyeño ite ndache pirätäise, ambuae ava oñe'ë raise che rese, mba'e ipanese cheu, ambuae che reka-reka tëise che reko momarä agwä yuvɨreko iyavei mba'e yavai va'e aiporarase Cristo sui, esepia ayanduse che pirätä e'ɨ̇sa a'ese che pirätä katu.

2 Corintios 6:10

Amove ndoyavɨi ndorovɨ'ai va'e yuvɨreko chupe, ore rumo orovɨ'año ite yepi; avɨye ndoyavɨi iparaɨsu va'e oroiko viña, ore rumo oromondo katuño ite mba'e avɨye va'e ava eta upe; yepe ndoyavɨi ndorovɨrekoi ete mba'e viña, opakatuño ite rumo mba'e avɨye va'e Tüpä suindar oime oreu.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.

Apocalipsis 7:16

A'ese ndiyumbɨasɨ iri chira ndi'usei chiaveira yuvɨreko, iyavei arɨ ndoyope iri chira, ndasakuvasɨ iri chietera chupe no;