San Lucas 6:20 - Tüpä Ñe'ëngagwer

²⁰ Jesús oma'e gwemimbo'e eta rese, aipo e'i chupe: “Perorɨvete katu pe iparaɨsu va'e, esepia ni'ä Tüpä mborerekwasa peü narä ite sekoi.

Tũpa Ñehengagüer

²⁰ Ipare omahe Jesús güemimbohe rese aipo ehi chupe: “Perorɨvete catu pe iparaɨsu vahe. Esepia niha, Tũpa mborerecuasa pẽu nara ité secoi.

San Lucas 6:20 Iomraidhean Croise

San Mateo 11:5

Pemombe'u chupe ndasesapɨsoi va'e osareko tuprɨ yuvɨreko, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa pɨsɨrösa resendar ñe'ësa peyera chupe.

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 5:1

Ava re'ɨi repiase, Jesús oyeupi oso ɨvɨtrɨ rese a'eve ogwapɨ öi. A'ese semimbo'e eta oyemboya yuvɨreko sese,

San Lucas 12:32

“Ani pesɨkɨye, ovesa che rembiaɨsu; yepe pe movɨrömi tëi peiko viña, pe Ru Tüpä rumo, omondo pota peü mba'e oporoaɨsusa pɨpe.

San Lucas 13:28

Evokoiyase oura yase'osa tekoasɨsa avei, pesepiase rumo Abraham, Isaac, Jacob iyavei opakatu Tüpä ñe'ë mombe'usareta yuvɨrekoise Tüpä mborerekwasave, pe evokoiyase imomboprɨ tëi peikora.

San Lucas 14:15

Osenduse aipo, ñepëi mbɨa icho'oprɨ ipa'ü pendar ogwapɨ va'e karusa rendave öi, aipo e'i Jesús upe: –¡Sovasaprɨ katu ava Tüpä pɨri okaru va'e imborerekwasave!

San Lucas 16:25

Evokoiyase Abraham omboyevɨ chupe: ‘Che ra'ɨrɨ, nde ma'endu'a eipeve nde reko agwer rese nipaneise mba'e ndeu rekove pɨpe, Lázaro rumo iparaɨsumi tëi oiko. Kurïtëi rumo Lázaro ovɨ'arete ko'ave, nde evokoiyase nde paraɨsu eipeve eiko.

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

2 Corintios 6:10

Amove ndoyavɨi ndorovɨ'ai va'e yuvɨreko chupe, ore rumo orovɨ'año ite yepi; avɨye ndoyavɨi iparaɨsu va'e oroiko viña, ore rumo oromondo katuño ite mba'e avɨye va'e ava eta upe; yepe ndoyavɨi ndorovɨrekoi ete mba'e viña, opakatuño ite rumo mba'e avɨye va'e Tüpä suindar oime oreu.

2 Corintios 8:2

Yepe a'e ava rekokwer yavai ete yuvɨreko chupe sekoa'äsa pɨpe viña, ovɨ'areteño rumo ipɨpe yuvɨreko; yepe iparaɨsu va'e päve tëi, iporerekoño ite rumo yuvɨreko.

2 Corintios 8:9

Peikwa ni'ä pe yande Yar Jesucristo poroaɨsusa, yepe a'e mba'e yar sekoi viña, opa rumo oseya omba'e pe rekokwer rese, iparaɨsu pɨpe sui ni'ä pe ɨva pendar mba'e pereko.

1 Tesalonicenses 1:6

Pemboyeapɨ ore rekokwer peiko iyavei yande Yar rekokwer, iyavei yepe peparaɨsu mba'e-mba'e tëi pa'üve peiko viña, peipɨsɨ ko ñe'ësa pe vɨ'asa pɨpe Espíritu Maräne'ɨ̇ ombou va'e peü.

2 Tesalonicenses 1:5

Ko ni'ä omboyekwa Tüpä reko ɨ̇visa ava upe, esepia ipɨpe pe rereko omborerekwasave pe reike agwä, sese ni'ä peparaɨsu vɨte tëi peiko.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.