San Lucas 5:37 - Tüpä Ñe'ëngagwer

³⁷ Ndiyai avei ñoñasa uva rɨkwer ipɨasu va'e mba'e pirer kwakwa va'e pɨpe, esepia ni'ä egwë e'ise uva rɨkwer pɨasu evokoiyase opara ombopu mba'e pirer kwakwa va'e, egwë e'ira oyepɨyerepa, mba'e pirer avei evokoiyase okañɨ tëira viña.

Tũpa Ñehengagüer

³⁷ Iyavei no, ndiyai eté ñoñasa uva rɨcuer pɨasu mbahe pirer cuacua pɨpe no. Esepia niha, ẽgüe ehise, uva rɨcuer pɨasu evocoiyase opara ombopu mbahe pirer cuacua viña, ẽgüe ehira oyepɨyerepa, mbahe pirer avei evocoiyase ocañɨ tẽira viña.

San Lucas 5:37 Iomraidhean Croise

San Mateo 9:17

Iyavei ndosoi chietera uva rɨkwer pɨasu mba'e pirer kwakwa va'e pɨpe, esepia mba'e pirer opara opu, inungar uva rɨkwer iyavei mba'e pirer okañɨ tëira. Evokoiyase pemondora uva rɨkwer pɨasu mba'e pirer pɨasu va'e pɨpe, egwë e'ise oyoya voi ete nokañɨi chietera.”

San Lucas 5:36

Iyavei oporombo'e ambuae mba'e mboyoyasa rese: –Ndipoi ete oyasɨa va'e ñepëi turukwar pɨasu popɨ ambuae turukwar kwakwami va'e apete agwä. Oyapose evokoi nungar okañɨ tëira turukwar ipɨasu va'e; iyavei turukwar ipɨasu va'e apɨrer, naporäi chietera turukwar kwakwa va'e rese.

San Lucas 5:38

Sese uva rɨkwer ipɨasu va'e ñoñasara mba'e pirer ipɨasu va'e pɨpe avei.