San Lucas 5:21 - Tüpä Ñe'ëngagwer

²¹ Evokoiyase oporombo'e va'e Moisés porokwaita rese iyavei fariseo eta ipɨ'a ñemoñeta atɨ tëi aipo e'i yuvɨreko: “¿Ava vo ko mbɨa sekoi oñe'ë tëi va'e Tüpä rer pɨpe? Tüpä ni'ä oikatu ava angaipa upe oñeröi agwä.”

Tũpa Ñehengagüer

²¹ Ichui oporombohe vahe Moisés porocuaita rese iyavei fariseo ipɨhañemoñeta atɨ voi tẽi yuvɨreco: “Co mbɨa oyemboɨvate ai tẽi vahe Tũpa ñehe nungar pɨpe tẽi; Tũpaño ité niha oicatu ava angaipa upe oñero ãgua” ehi tẽi oyeupe yuvɨreco.

San Lucas 5:21 Iomraidhean Croise

San Mateo 26:65

Evokoiyase pa'i rerekwar ɨvate katu va'e imboasɨpave omondoro oturukwar, aipo e'i: –¡Ko mbɨa oñe'ë tëiete Tüpä rese! ¿Mba'e iri vo yaipota vɨte yaiko? Pesendupa ni'ä aipo iñe'ë-ñe'ë tëisa kurïtëi;

San Mateo 9:3

Oime aipo Moisés porokwaita rese oporombo'e va'e ipɨ'a ñemoñeta yuvɨreko: “Ko aipo e'i va'e oñe'ë tëi Tüpä rer maräne'ɨ̇ rese.”

San Lucas 3:8

Peiko tuprɨra mba'e avɨye va'e pɨpe oyekwa va'erä yande Yar upe peyevɨsa resendar, iyavei aipo ndapeyei chira peyoupe ae: ‘¡Ore oroiko Abraham suindar!’; esepia supiete Tüpä oikatuño ite ko ita sui Abraham suindar nungar tuprɨ apo agwä oyeupe narä yepi.

San Lucas 5:17

Ñepëi arɨ Jesús oporombo'e oiko, a'eve avei aipo ogwapɨ yuvɨnoi fariseo iyavei Moisés porokwaita rese oporombo'e va'e ipɨri yuvɨreko a'e yugweru opakatu Galilea tekwa-tekwami rupi sui, ɨvɨ Judea rupi sui, tekwa Jerusalén sui avei yugweru no. Yande Yar pirätäsa oyemboyekwa ite Jesús rese ava imba'easɨ va'e ombogwerase.

San Lucas 5:22

Jesús rumo oikwaño ite ava pɨ'a ñemoñetasa, evokoiyase oporandu chupe: –¿Ma'erä vo pepɨ'a ñemoñetarai tëi che rese?

San Lucas 7:49

Evokoiyase ambuae ava icho'oprɨ ogwapɨ va'e yuvɨnoi a'eve, aipo e'i oyeupe yuvɨreko: –¿Uma pi'ä ko mbɨa iñeröi va'e ite angaipa upe?

San Juan 10:33

Judío eta omboyevɨ yuvɨreko chupe: –Nande api-apisai chira ni'ä ita pɨpe mba'e nde rembiapo avɨye va'e rese, esepia nde ereñe'ë rai tëi Tüpä rese. Nde rumo ereiko ava nungar tëi, iyavei nde ereyeapo inungar Tüpä nde ae eiko.

Romanos 8:33

¿Uma pi'ä oikatura mba'e tëi pɨpe mondo agwä Tüpä rembiporavo? Esepia Tüpä oseko mo'ɨ̇vi opakatu vɨroyasar.