San Lucas 4:40 - Tüpä Ñe'ëngagwer

⁴⁰ Arɨso ramomise, opakatu ava mba'erasɨsa vɨreko va'e ambuae a'e ae tëi gweru Jesús upe yuvɨreko; a'e evokoiyase omondo opo i'arɨve ñepëi-pëi yakatu imbogwera agwä.

Tũpa Ñehengagüer

⁴⁰ Arɨ so ramomise opacatu ava imbaherasɨsa ambuae tẽi vahe güeru Jesús upe yuvɨreco. Ahe evocoiyase opo omondo iyacatu iharɨve ñepei-pei imbogüera.

San Lucas 4:40 Iomraidhean Croise

San Mateo 11:5

Pemombe'u chupe ndasesapɨsoi va'e osareko tuprɨ yuvɨreko, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa pɨsɨrösa resendar ñe'ësa peyera chupe.

San Mateo 14:13

Jesús oyanduse rumo, oso a'e ae ichui, ɨarusu pɨpe ava pore'ɨ̇save. A'e ramoseve ava oyandu yuvɨreko yuvɨnosepa voi gwekwa sui, ɨvɨ rupi yuvɨraso supitɨ agwä sekosave yuvɨreko.

San Marcos 3:10

Esepia seta ava imba'easɨ va'e ombogwera, sese opakatu ambuae imba'easɨ va'e yuvɨraso chupe sese opoko agwä.

San Marcos 5:23

aipo e'i oporandu chupe: –Che rayrɨ omano pota ou; yaso teremondomi tëi ndepo i'arɨve imbogwera agwä iyavei toikove vɨtemi tëi.

San Marcos 6:5

Ndoikatui mba'e poromondɨisa apo agwä a'eve, sese movɨrö tëi imba'easɨ va'e arɨve omondo opo imbogwera agwä.

Los Hechos 19:12

iyavei takuvo kɨtɨsa turukwar avei Pablo omonde va'ekwer, a'e serasosa imba'easɨ va'e upe imbogwera agwä, karugwar avei opa yuvɨnosë yuvɨreko ichui.

Los Hechos 5:15

Iyavei ava re'ɨi vɨnose yuvɨreko imba'easɨ va'e, supa reseve-seve Pedro renonderä, oñokwäse Pedro avɨyeteramo omo'ära i'ägwer a'ese revo ombogwerara e'i yuvɨreko oyeupe.