San Lucas 4:35 - Tüpä Ñe'ëngagwer

³⁵ Jesús evokoiyase oñe'ëgäta karugwar upe aipo e'i: –¡Kiriri, epoi ko mbɨa sui! A'ese karugwar ombovɨapi a'e mbɨa opakatu ava rovai imondo ɨvɨve, ipare osë okwa ichui nomomaräi ete rumo.

Tũpa Ñehengagüer

³⁵ Evocoiyase, —¡Quiriri, esẽ co mbɨa sui! —ehi oñehe pĩrata caruguar upe. Ahese caruguar ombovɨapi ahe mbɨa ava rovai, osẽ ocua ichui; nomomarai eté rumo.

San Lucas 4:35 Iomraidhean Croise

San Mateo 17:18

Evokoiyase Jesús oñe'ëgäta karugwar upe ipare omose chi'ïvä'e sui, a'e ramoseve voi ete okwera tuprɨ.

San Mateo 8:26

A'e rumo omboyevɨ gwemimbo'e upe: –¿Ma'erä vo pesɨkɨye eteprɨ? ¡Ndapeyeroyai ete vo Tüpä rese! Oñarapü'a pare rumo Jesús oñe'ë pirätä ɨtu gwasu upe ɨvɨtuai upe aveino, ipare voi ete opa tuprɨ opɨtu'u.

San Marcos 1:26

Evokoiyase karugwar mbɨa rese sekoi va'e omoeo'ä seitɨ ɨvɨve, säse pirätä osë oso ichui.

San Marcos 4:39

Jesús opü'a evokoiyase omondo porokwaita ɨvɨtuai upe, paragwasu upe avei aipo e'i: –¡Epɨtu'u! ¡Kiriri tuprɨ epɨta! A'eseve voi ɨvɨtuai opɨtu'upa tuprɨ.

San Marcos 9:26

Karugwar säse puku, omoeo'ä tuprɨ chi'ïvä'e. Ipare osë ichui, oseya rumo inungar omano va'e, aipo e'i yuvɨreko, ko chi'ïvä'e omano ite ou e'i yuvɨreko chupe.

San Lucas 11:22

Akoi ouse rumo ambuae ipirätä katu va'e chupe, a'e osekoreroyɨse opara vɨrokwa iyeroyasa ichui, evokoiyase sembierokwa opara vɨraso oyeupe narä.”

San Lucas 4:23

Jesús rumo omboyevɨ aipo e'i chupe: –Avɨyeteramo pe aipo peyera cheu: ‘Oporoposano va'e, eñeposano nde ae eiko.’ Iyavei aipo peyera cheu no: ‘Akoi orosendu va'e nde rembiapokwer Cafarnaún ve, egwë ere avei eyapo ko'ave nde rekwa pɨpe.’

San Lucas 4:39

Jesús oyeaɨvɨ oso chupe so'ɨ sui imbogwera agwä, ipare opa so'ɨ ichui. A'e ramoseve, a'e kuña oñarapü'a ichui omboɨpɨ o'añeko yuvɨrekoi va'e rese.

San Lucas 4:41

Imba'easɨ va'e sui seta yuvɨnosë karugwar, säse tëi aipo e'i yuvɨreko: –¡Nde Tüpä Ra'ɨrɨ ite ereiko! Jesús rumo oñe'ëgäta karugwar upe iyavei ndoipota iri iñe'ë agwä, esepia a'e oikwa ite Poropɨsɨrösar sekoise yuvɨreko.

San Lucas 8:24

Evokoiyase yuvɨraso Jesús moma'e, aipo e'i yuvɨreko chupe: –¡Porombo'esar! ¡Porombo'esar! ¡Yande rerasora moko ɨarusu ɨpɨve! Jesús opü'a ipare oñe'ë pirätä ɨvɨtuai upe ɨ o'ɨtu va'e upe avei, ichui opakatu tuprɨ opɨtu'u mba'e naporäi va'e.

San Lucas 9:39

karugwar rumo opoko sese, omoase puku-puku uka yepi iyavei omoeo'ä-o'ä sereko iyuru rupi tɨyui yusu-yusu. Marä-marä tëi vɨreko iyavei ndopoi potai ete ichui.

San Lucas 9:42

Oyemboyase chi'ïvä'e oso sese, a'ese karugwar ombovɨapi ɨvɨve imondo ipare rumo omoeo'ä iri ete; Jesús rumo oñe'ëgäta karugwar upe, a'e chi'ïvä'e ipare ombogwera imboyevɨ imondo iyesupa upe.

Apocalipsis 12:12

¡Peyembovɨ'a katu pe ɨva pendar, opakatu peiko va'e a'eve! ¡Pe rumo, peparaɨsu katura ɨvɨ pɨpe, paragwasu pɨpe avei yuvɨrekoi va'e, esepia ni'ä karugwar oikwa ite gweko puku e'ɨ̇ agwä ko ɨvɨ pɨpe, ogweyɨ peü oñemoɨrösa pɨpe mba'e tëi apo agwä!”