San Lucas 4:32 - Tüpä Ñe'ëngagwer

³² Ipare opakatu ava ndoyembovɨ'ai tëi iporombo'esa renduse yuvɨreko, esepia ni'ä a'e oñe'ë gweko pirätäsa pɨpe.

Tũpa Ñehengagüer

³² Ipare opacatu ava, “¡Mara ehi rutei!” ehi tẽi iporombohesa renduse yuvɨreco. Esepia niha, ahe oñehe güeco pĩratasa pɨpe.

San Lucas 4:32 Iomraidhean Croise

San Marcos 1:22

Evokoiyase ava iporombo'esa renduse ndoyembovɨ'ai tëi yuvɨreko, esepia oporombo'e gweko pirätäsa pɨpe, nda'ei Moisés porokwaita rese oporombo'e va'e nungar.

San Lucas 2:47

Iyavei opakatu ava iñe'ë rendusar ndoyembovɨ'ai tëi imba'ekwasa rese, esepia oyapose porandusa yuvɨreko chupe, omboyevɨ tuprɨ voiño ite.

San Lucas 4:33

A'e oɨ judío ñemonu'äsave oime ñepëi mbɨa vɨreko va'e karugwar oyese anise espíritu naporäi va'e, a'ese oñe'ë pirätä aipo e'i:

San Lucas 4:36

Opakatu ava oyembosɨkɨye, iyavei oporandu-randu tëi mba'e rese oyeupe yuvɨreko: –¿Marä e'i vo aipo ko oñe'ë oiko? Opakatu opirätäsa pɨpe ko mbɨa oyokwai karugwar ava sui imose agwä, ¡ipare yuvɨnosepa yuvɨraso!

San Juan 6:63

Espíritu ni'ä omondo tekovesa; yande retekwer rumo egwë e'i tëi va'e. Iyavei ko amombe'u va'e peü a'e espíritu iyavei tekovesa.

San Juan 7:46

Sundao eta rumo omboyevɨ yuvɨreko: –¡Ndipoi ete ñepëi mbɨa oñe'ë va'e inungar!

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

1 Tesalonicenses 1:5

Esepia akoi oromombe'use ñe'ësa pɨsɨrösa resendar, nda'ei ñe'ësa ore yesuindar tëi oromombe'u peü; Espíritu Maräne'ɨ̇ reko pirätäsa pɨpe rumo oroñe'ë, iyavei oroikwa ko ñe'ësa supiete va'e. Peikwa avei ni'ä akoi oroiko tuprɨse pe pa'üve, oroseka avei pe reko tuprɨ agwä.

Tito 2:15

Evokoi rese erembo'era, eremongere'ɨ̇ra eremboarakwa aveira opakatu nde porokwaita pɨpe. Sese tipo eme nde reroɨrösar.