San Lucas 4:16 - Tüpä Ñe'ëngagwer

¹⁶ Jesús oyevɨ Nazaret ve, okwakwa agwerve. A'eve mbɨtu'usa arɨ pɨpe oike oɨ judío ñemonu'äsa pɨpe inungar oyapo va'e yepi, ipare opü'a oyerokɨ Ikwachiaprɨ maräne'ɨ̇ pɨpe o'ä.

Tũpa Ñehengagüer

¹⁶ Ichui Jesús oyevɨ Nazaret ve ocuacua agüerve. Aheve judío mbɨtuhusa arɨ pɨpe oique tũparove inungar oyapo yepi. Ahese opũha ‘tayeroquɨ icuachiaprɨ maranehɨ pɨpe’ oya.

San Lucas 4:16 Iomraidhean Croise

San Mateo 2:23

Oyepotase yuvɨraso a'eve, oyemboerekwa va'erä tekwa Nazaret ve. Ko yavɨye ite Tüpä ñe'ëngagwer mombe'usar rupi: Jesús serer-ra Nazaret ɨgwar e'i va'e.

San Lucas 2:39

Evokoiyase opakatu yande Yar porokwaita mboavɨyere, opa oyevɨ Galilea ve, gwekwa Nazaret ve yuvɨreko.

San Lucas 2:42

Iyavei omboavɨyese Jesús opayandepo yovaive ñuvɨrïo aravɨter, vɨraso iyesupa a'eve yuvɨreko, esepia egwë e'i ete tekokwer pieta yakatu rupi yepi.

San Lucas 2:51

Evokoiyase oyevɨ oyesupa rupi Nazaret ve, a'ese omboyeroyaño ite oyesupa opakatu mba'e rese oiko. Ichɨ evokoiyase opɨ'a pɨpe oyapokatuño ite ko mba'e opakatu sereko.

San Lucas 4:15

Oporombo'e oɨ judío ñemonu'äsa rupi oiko, a'ese opakatu ava omboetei sereko yuvɨreko.

San Lucas 4:17

Evokoiyase omondo Tüpä ñe'ë mombe'usar Isaías rembikwachia yuvɨreko chupe oipɨpirase kwachiar, osepia ikwachiaprɨ aipo e'i va'e:

San Lucas 4:21

A'e omboɨpɨ oñe'ë aipo e'i: –Kurïtëi yavɨye ite ko Ikwachiaprɨ pɨpendar pesendu va'e.

San Lucas 4:23

Jesús rumo omboyevɨ aipo e'i chupe: –Avɨyeteramo pe aipo peyera cheu: ‘Oporoposano va'e, eñeposano nde ae eiko.’ Iyavei aipo peyera cheu no: ‘Akoi orosendu va'e nde rembiapokwer Cafarnaún ve, egwë ere avei eyapo ko'ave nde rekwa pɨpe.’

San Juan 18:20

Jesús aipo e'i chupe: –Che añe'ë peü opakatu rupi iyavei opakatu ava rovake; esepia aporombo'eño va'e ite oɨ judío ñemonu'äsa rupi iyavei tüpäro pɨpe, a'eve oñemonu'ä judío eta yuvɨreko yepi; egwë a'e nañemi ete mba'e mombe'u.

Los Hechos 17:2

Pablo, osoño va'e ite mbɨtu'usa arɨ rupi oɨ judío ñemonu'äsave yepi, mbosapɨ mbɨtu'usa arɨ rupi, oñemoñeta ñe'ësa Ikwachiaprɨ pɨpendar rese yuvɨreko.