San Lucas 3:8 - Tüpä Ñe'ëngagwer

⁸ Peiko tuprɨra mba'e avɨye va'e pɨpe oyekwa va'erä yande Yar upe peyevɨsa resendar, iyavei aipo ndapeyei chira peyoupe ae: ‘¡Ore oroiko Abraham suindar!’; esepia supiete Tüpä oikatuño ite ko ita sui Abraham suindar nungar tuprɨ apo agwä oyeupe narä yepi.

Tũpa Ñehengagüer

⁸ Yɨpɨndar toyecua tuprɨ rane yande Yar upe peyevɨsa pe angaipa mboasɨsa pɨpe. Iyavei ndapeyeroyai chira ‘ore Abraham suindar oroico’ pe hesa rese tẽi peñepɨsɨro ãgua. Esepia, Tũpa oicatuño ité co ita sui Abraham suindar nungar tuprɨ apo ãgua oyeupe nara yepi.

San Lucas 3:8 Iomraidhean Croise

San Mateo 21:43

Sese aipo a'e peü serokwasara mborerekwasa ɨva pendar ichui, a'e imondosara ñepëi tekwa iporeroya va'e upe.

San Mateo 3:8

Yɨpɨndar toyekwa tuprɨ rane Tüpä upe peyevɨsa pe angaipa mboasɨsa pɨpe,

San Mateo 3:9

aipo ndapeyei chira peyeupe ae: ‘Ore oroiko Abraham suindar’; amombe'u aipo peü ko ita sui Tüpä oikatu ite oyapo va'erä ava Abraham suindar oyeupe narä.

San Lucas 13:25

Ipare oɨ yar opü'ase okenda mboya, peiko va'e okarɨve, peñe'ë tëira aipo peyera: ‘Ore yar, emboimi tëi oreu.’ A'e rumo aipo e'iñorä imboyevɨ chupe: ‘Che ndopokwai va'e kesui vo peyu.’

San Lucas 13:26

Evokoiyase pe aipopeye tëira: ‘Orokaru va'e, oroɨ'u va'e avei ni'ä nderese yepi, nde avei ni'ä ore mbo'e ore rokar rupi eve yepi.’

San Lucas 14:9

evokoi peso'o ukasar ñuvɨrïo peiko va'e aipo e'ira ou ndeu: ‘Emondo nderenda evokoi ambuae upe.’ Evokoiyase erechï tëira eso gwapɨsa ipami tëi va'e arɨve.

San Lucas 19:40

Jesús rumo omboyevɨ chupe: –Amombe'u peü ko ikiririse, ita rumo säse pirätära yuvɨreko.

San Lucas 19:9

Jesús aipo e'i chupe: –Ko pɨpe oyepota pɨsɨrösa ko oɨ pɨpe, esepia ko mbɨa avei sekoi Abraham suindar.

San Lucas 5:21

Evokoiyase oporombo'e va'e Moisés porokwaita rese iyavei fariseo eta ipɨ'a ñemoñeta atɨ tëi aipo e'i yuvɨreko: “¿Ava vo ko mbɨa sekoi oñe'ë tëi va'e Tüpä rer pɨpe? Tüpä ni'ä oikatu ava angaipa upe oñeröi agwä.”

San Juan 8:33

A'e omboyevɨ yuvɨreko chupe: –Ore rumo oroiko Abraham suindar ite, ndoroikoi va'e ava rembigwai tëi; ¿ma'erä vo aipo ere oreu pesëra mbigwai nungar pe rekosa sui?

San Juan 8:39

A'e aipo e'i yuvɨreko chupe: –¡Ore yesupa rumo Abraham! Ipare Jesús omboyevɨ chupe: –Abraham ra'ɨrɨ ite peikose viña, peyapora mba'e sembiapo nungar viña.

Los Hechos 26:20

sese yɨpɨndar amombe'u ñe'ësa avɨye va'e Damasco pendar upe, ipare Jerusalén pendar upe avei opakatu ɨvɨ Judea rupi, koiye katu ava nda'ei va'e judío upe avei, oyevɨ va'erä Tüpä upe yuvɨreko, iyavei oyapo tuprɨ va'erä mba'e oñekuñarösa pɨpe yuvɨreko.

Romanos 4:16

Sese, mba'e Tüpä remimombe'ugwer porerekosa yaipɨsɨra sese yande yeroyasa pɨpe, a'e semimombe'ugwer supi tuprɨ va'e opakatu yande Abraham suindar upe narä. Esepia nda'ei porokwaita mboyeroyasar upe gweraño, a'e rumo opakatu yande Abraham nungar Tüpä rese oyeroya va'e upe narä. Evokoiyase a'e opakatu yande ramoi sekoi,

Romanos 9:7

Iyavei nda'ei opakatu Abraham suindar ta'ɨrɨ supi tuprɨ va'e yuvɨrekoi, esepia Tüpä aipo e'i chupe: “Nde ra'ɨrɨ Isaac sui rumo oimerä ndesuindar sovasaprɨ kuri.”

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.