San Lucas 3:22 - Tüpä Ñe'ëngagwer

²² ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e: –Nde che Ra'ɨrɨ che rembiaɨsu, che rembiporavo ereiko.

Tũpa Ñehengagüer

²² Ipare Espíritu Santo ogüeyɨ ou iharɨve apɨcasu nungar, iyavei oyeendu ñehesa ɨva sui aipo ehi vahe: —Nde che Rahɨr ereico, che rembiaɨsu; sese avɨha ité nde rese —ehi.

San Lucas 3:22 Iomraidhean Croise

San Mateo 12:18

“Ko che mboyeroyasar sekoi che rembiporavo, che rembiaɨsu, sese ayembovɨ'a eteprɨ. Amondora chereko pirätäsa Espíritu chupe, a'e omombe'u aveira mba'e i'ɨ̇vi va'e opakatu ava ɨvɨ pɨpendar upe.

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 27:43

A'e oyeroya Tüpä rese: ¡Tüpä evokoiyase oipotase, toipɨsɨrö kurïtëi! ¿Esepia ni'ä che Tüpä Ra'ɨrɨ aiko e'i yandeu yepi?

San Mateo 3:13

Jesús oso Galilea sui ɨai Jordán ve, a'eve sekoi Juan, a'e oñapirämo va'erä.

San Mateo 3:16

Jesús oapirämo pare osë ɨ sui, a'ese ɨva oyemboi tuprɨ ipare osepia Espíritu Tüpä suindar ogweyɨse ou i'arɨve apɨkasu nungar.

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Marcos 1:11

A'ese oyeendu ñe'ësa ɨva sui, aipo e'i: “Nde che Ra'ɨrɨ ereiko che rembiaɨsu, avɨ'a eteprɨ nde rese.”

San Marcos 1:9

Ipare Jesús osë, tekwa Nazaret sui oso, Galilea rupi, a'eve Juan oñapirämo ɨai Jordán pɨpe.

San Marcos 9:7

A'e ramoseve, avei ogweyɨ ɨva kɨ'a i'arɨve oyopɨpa tuprɨ yuvɨreko. A'e ɨva sui oyeendu ñe'ësa aipo e'i: “Ko che Ra'ɨrɨ che rembiaɨsu: peyapɨsaka katu iñe'ë rese.”

San Lucas 2:14

“¡Imboeteiprɨ tasekoi Tüpä ɨvave! ¡Ɨvɨve ava Tüpä rembiaɨsu toyuvɨrekoi tuprɨ oyeaɨsusa pɨpe!”

San Lucas 4:21

A'e omboɨpɨ oñe'ë aipo e'i: –Kurïtëi yavɨye ite ko Ikwachiaprɨ pɨpendar pesendu va'e.

San Juan 1:32

Juan omombe'u avei: “Che asepia Espíritu Maräne'ɨ̇ ogweyɨse ɨva sui inungar apɨkasu, opɨta tuprɨ i'arɨve.

San Juan 12:28

Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

San Juan 5:37

Che Ru avei ete chekwa ukasar, a'e iñe'ë rumo ndapesendui va'e ite, iyavei ndapesepiai ete,

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

1 San Pedro 2:4

Peyemboya katu yande Yar rese, a'e inungar ita ndopai va'e ava rumo ovɨroɨröño yuvɨreko, Tüpä rumo a'e ita oiporavo avɨye katu va'e.