San Lucas 3:11 - Tüpä Ñe'ëngagwer

¹¹ Juan omboyevɨ ava re'ɨi upe: –Akoi vɨreko va'e ñuvɨrïo oturukwar, ñepëi pemondo ava ndovɨrekoi va'e upe; iyavei perekose tembi'u, pemboya'omi tëi ambuae ava ndovɨrekoi va'e upe.

Tũpa Ñehengagüer

¹¹ —Pe pereco vahe ñuvɨrío pe camisa, ñepei pemondo ava ndovɨrecoi vahe upe; iyavei pe pereco vahe tembihu, pemboyahomi tẽi ambuae ava ndovɨrecoi vahe upe —ehi imboyevɨ ava upe.

San Lucas 3:11 Iomraidhean Croise

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Lucas 11:41

Pemondo pe porerekosa rekate'ɨ̇ e'ɨ̇sa pɨpe. Evokoiyase ipɨpe sui opakatu imoatɨröprɨ peikora.

San Lucas 18:22

Aipo i'ese rumo, Jesús omboyevɨ chupe: –Ipane vɨte ñepëi mba'e ndeu: emondopa opakatu mba'e erereko va'e iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

San Lucas 19:8

Zaqueo opü'a aipo e'i Yar upe: –Esepia che Yar, amondora iparaɨsu va'e upe amboya'o tuprɨra imondo mba'e areko va'e; mba'e añomi va'ekwer avei, ayapɨrasa katu-katura irugätu rupi imboyevɨ agwä.

San Juan 13:29

Esepia Judas sekoi gwarepochi rɨru rärösar ite yepi, oime rumo ipɨ'añemoñeta va'e Jesús oyokwai revo mba'e rerokwa agwä Pascua pietase narä e'i yuvɨreko chupe, anise omondora revo ava iparaɨsu va'e upe mba'e e'i yuvɨreko viña.

Los Hechos 10:2

A'e mbɨa omboetei Tüpä opakatu gwa'ɨrɨ, gwembireko reseve yepi, iyavei omondoño ite judío pɨtɨ̇vɨï agwä gwarepochi, oyerure avei Tüpä upe yuvɨreko yepi.

Los Hechos 10:31

A'e aipo e'i cheu: ‘Cornelio, Tüpä osendu nde yeruresa oikwa avei nde ereipɨtɨ̇vɨïse ava iparaɨsu va'e eiko.

Los Hechos 10:4

Cornelio oma'egätuño ou mbigwai ɨva pendar rese, ipare osɨkɨye pɨpe tëi oporandu chupe: “¿Mba'e vo ereipota eiko, che Yar?” Mbigwai ɨva pendar aipo e'i chupe: “Tüpä oipɨsɨ nde yeruresa; osepia avei nde poroparaɨsuerekosa.

Efesios 4:28

Akoi imondarai va'e, timonda iri eme, toyapo mboravɨkɨ avɨye va'e ava iparaɨsu va'e pɨtɨ̇vɨï agwä.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

Santiago 1:27

Yarekose rumo yande rembieroya nimaräi va'e yande Ru Tüpä rovai: a'ese yaipɨtɨ̇vɨïra ndiyesupai va'e iyavei kuña imer mano va'ekwer iparaɨsusa rese, ndayayapoi chiaveira mba'e ɨvɨ pɨpendar ñaporäi va'e rembiapo nungar.

Santiago 2:14

Che rɨvrɨ eta, ¿avɨyera pi'ä akoi ava, ayeroya yande Yar rese e'i tëi va'e, ndoyapoise mba'e avɨye va'e yuvɨreko? ¿Oikatura pi'ä a'e oñepɨsɨrö aipo o'e pɨpe tëi yuvɨreko?

1 San Juan 3:17

Akoi ava mba'e yar imba'e eta va'e iyavei osepia tëise ambuae paraɨsusa, nomondoi rumo mba'e ipane va'e chupe, ¿marä e'i pi'ä evokoiyase Tüpä poroaɨsusa rereko opɨ'a pɨpe?

1 San Juan 4:20

Amove ava aipo e'i tëi: “Che asaɨsu Tüpä”, a'e ramoseve rumo vɨroɨrö omboetasa Tüpä reroyasar, evokoiyase a'e semirä tëi va'e. Esepia akoi ndosaɨsui va'e omboetasa Tüpä reroyasar sepiase, ndoikatui Tüpä ndayasepiai va'e raɨsu agwä.