San Lucas 24:6 - Tüpä Ñe'ëngagwer

⁶ Ndipoi ko'ave, a'e rumo okwerayevɨ. Peyemoma'endu'a iñe'ëngagwer ɨvɨ Galilea rupi omombe'u va'ekwer rese aipo e'i va'e:

Tũpa Ñehengagüer

⁶ Ndipoi mo cohave; ocuerayevɨ mo ahe. Peyemomahenduha iñehengagüer ɨvɨ Galilea rupi omombehu vahecuer rese,

San Lucas 24:6 Iomraidhean Croise

San Mateo 12:40

Esepia inungar Jonás mbosapɨ arɨ iyavei mbosapɨ pɨ̇tü pira gwasu avɨterve sekoi, egwë e'i aveira ava ɨvate katu va'e Ra'ɨrɨ mbosapɨ arɨ iyavei mbosapɨ pɨ̇tü tuira ɨvɨvrɨve.

San Mateo 16:21

Evokoiyase ichuive tuprɨ Jesús omboɨpɨ imombe'u gwemimbo'e eta upe, a'e oso va'erä tekwa Jerusalén ve, a'e judío rerekwar, pa'i eta rerekwar ɨvate katu va'e iyavei Moisés porokwaita rese oporombo'e va'e, a'e che mombaraɨsu ukara. Iyavei aipo e'i che yukara yuvɨreko no, ipare imombosapɨsa arɨ pɨpe rumo akwerayevɨra.

San Mateo 27:63

aipo e'i yuvɨreko chupe: –Ore rerekwar, oroyemoma'endu'a akoi iporombopa serai va'e ñe'ë agwer rese, akwerayevɨra mbosapɨ arɨ pare e'i akoi oikove vɨteseve.

San Mateo 28:6

Ndipoi ete ko'ave, a'e okwerayevɨ gwemimombe'u rupi ete. Perio tapesepia ru supagwer.

San Marcos 16:6

a'e rumo aipo e'i chupe: –Pesɨkɨyei rene. Pe peseka Jesús Nazaret pendar, a'e akoi yatɨkaprɨ. A'e rumo okwerayevɨ; ndipoi ete ko'ave. Pesepia ru supagwer.

San Marcos 8:31

Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

San Lucas 24:34

aipo e'i yuvɨreko chupe: –Supiete rumo yande Yar okwerayevɨ, esepia oyemboyekwa ite Simón upe.

San Lucas 24:5

Opaño ñakä ɨvɨso, ɨvɨ kotɨ yuvɨreko osɨkɨyepave; a'e ava aipo e'i yuvɨreko chupe: –¿Ma'erä peseka tuvɨpa pa'ü rupi ava oikove va'e?

San Lucas 9:22

Iyavei aipo e'i chupe: –Che ava ɨvate katu va'e Ra'ɨrɨ che paraɨsu itera, iyavei opakatu judío rerekwar, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇ aikora. A'e avei che yuka ukara yuvɨreko, mbosapɨ arɨ rupi rumo akwerayevɨra.

San Lucas 9:44

–Pesendu tuprɨ che ñe'ë peresarai rene ichui: che ava ɨvate katu va'e Ra'ɨrɨ imondoprɨ aikora che amotare'ɨ̇mbar povrɨve.

Los Hechos 2:24

Tüpä rumo ombogwerayevɨ manosa sui, esepia manosa ndoikatui sereko agwä.”

2 Tesalonicenses 2:5

¿Ndapema'endu'ai vo akoi che ñe'ëngagwer rese aiko vɨtese pe pa'üve?