San Lucas 23:34 - Tüpä Ñe'ëngagwer

³⁴ Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.” Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

Tũpa Ñehengagüer

³⁴ Ahese Jesús aipo ehi: —Che Ru, ndeñero co ava upe sembiapo rai rese. Esepia, ndoicuai co mbahe güembiapo yuvɨreco —ehi. Sundao evocoiyase iguayɨño Jesús turucuar rese oyeupe imboyaho-yaho ãgua yuvɨreco.

San Lucas 23:34 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 11:26

Supiete che Ru, esepia evokoi rupi ete mba'e ereipota.”

San Mateo 5:44

Che rumo aipo a'e peü: Pesaɨsu katu pe amotare'ɨ̇mbar, iyavei peyerure pe momarä potasar rese.

San Marcos 15:24

Evokoiyase oyatɨka yuvɨreko. Ipare sundao eta igwayɨño Jesús turukwar rese uma pi'ä vɨrasora oyeupe oyapave yuvɨreko.

San Lucas 22:42

Aipo e'i: “Che Ru, ereipotase che renose eve ko mba'e tëi sui; tayapo eme che remimbotar tëi, tayaposa katu nde remimbotar rupi.”

San Juan 17:9

Che aporandu nde remimbou rese; ndaporandui rumo ko ɨvɨ pɨpendar rese, che aporandu erembou va'e rese cheu, esepia a'e ndeundar ite yuvɨrekoi yepi.

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Los Hechos 16:28

A'ese Pablo säse puku chupe: –¡Ereyapoi rene mba'e tëi ndeyeupe, esepia opakatu oroikoveño ko'ave!

Los Hechos 3:17

“Che mu eta, che aikwa akoi peipɨtɨ̇vɨï va'e pe rerekwar Jesús yuka uka agwä pe ikwa tuprɨ e'ɨ̇ pɨpe kwese.

Los Hechos 7:60

Ipare oñenopɨ'ä oñe'ë pirätä: “¡Che Yar, ndeñerö ko ava che amotare'ɨ̇sar angaipa upe!” Aipo o'e pare omano.

Romanos 12:14

Peyerure pe amotare'ɨ̇mbar rese. Peporandu porovasasa rese a'e ava upe narä; ani pe avei peñe'ë marä chupe.

1 Corintios 2:8

Ko ɨvɨ pɨpendar ava mborerekwareta rumo ndosendukwai ete ko ñe'ësa yuvɨreko, osendukwase rumo yuvɨreko viña, ndoyatɨka ukai chira yande Yar seko ɨvate, porañete va'e kurusu rese yuvɨreko viña.

1 Corintios 4:12

ore oroporavɨkɨño ite oroyembogwerai tëi ipɨpe. Ava rumo iñe'ë marä-marä tëiete yuvɨreko oreu; ore evokoiyase oromboyevɨño iñe'ë mba'e tuprɨ pɨpe chupe; ore reka-reka katuño ite ore momarä agwä yuvɨreko; ore rumo oroñemosaño ite yuvɨreko chupe.

1 Timoteo 1:13

yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

1 San Pedro 3:9

Oyapose ava mba'e tëi peü, anise oñe'ë raise, ndapemboyevɨi chira chupe. Iyakatu rumo mba'e tuprɨsa pɨpe pemboyevɨra chupe, evokoi nungar mba'e apo agwä rese ni'ä Tüpä pe poravo porovasasa pɨsɨ agwä.