San Lucas 23:2 - Tüpä Ñe'ëngagwer

² Sovai evokoiyase oiñe'ëngapo tuprɨ tëi, aipo e'i yuvɨreko: –Orosepia ko mbɨa oipɨ'a ñemoñeta rerova atɨ uka ava yande rekwa rupindar. Aipo e'i pemondoi rene gwarepochi mborerekwar ɨvate katu va'e upe, iyavei supiete aipo e'i che Poropɨsɨrösar, mborerekwar ɨvate katu va'e aiko.

Tũpa Ñehengagüer

² Aheve oiñehengapo aipo ehi yuvɨreco: —Orosepia co mbɨa oipɨhañemoñeta rerova atɨ uca ava yande recua rupindar aipo ehi: “Pemondoi rene Roma pendar mborerecuar ɨvate catu vahe upe guarepochi” ehi. Iyavei, “Che Poropɨ̃sɨrosar mborerecuar ɨvate catu vahe aico” ehi oico —ehi yuvɨreco Pilato upe.

San Lucas 23:2 Iomraidhean Croise

San Mateo 17:27

Evokoiyase gwarepochi rerokwasar moñemoɨrö e'ɨ̇ agwä rumo, eresora ɨpa pɨpe, erepirapoira yɨpɨndar pira erenose va'e. A'e iyuru pɨpe ereyosɨra ñepëi gwarepochi, a'e ipɨpe osupitɨra imboepɨpa agwä cheu iyavei ndeu; eraso chupe emboepɨpa.

San Mateo 22:21

A'e omboyevɨ yuvɨreko chupe: –Mborerekwar ɨvate katu va'e mba'e. Evokoiyase Jesús aipo e'i chupe: –Pemondora mborerekwar upe mba'e chupendar, Tüpä upendar mba'e evokoiyase pemondora Tüpä upe avei.

San Mateo 27:11

Jesús serasosa mborerekwar Pilato rovai, a'e oporandu chupe: –¿Nde ite vo judío Rerekwar ɨvate katu va'e ereiko? –Nde ni'ä aipo, a'e ereiko ere cheu–e'i Jesús imboyevɨ chupe.

San Marcos 12:17

Evokoiyase Jesús aipo e'i: –Pemondora mborerekwar upe mba'e chupendar, Tüpä upendar mba'e evokoiyase pemondora Tüpä upe avei. Ipare iporandusa oipɨ'amondɨi tëi aipo oyeupe ese yuvɨreko.

San Marcos 15:2

Pilato oporandu chupe: –¿Nde ite vo judío rerekwar ɨvate katu va'e ereiko? –Nde ni'ä aipo, a'e ereiko ere cheu–e'i Jesús imboyevɨ chupe

San Lucas 23:14

ipare aipo e'i chupe: –Pe ni'ä peru ko mbɨa ko'ave cheu, omañeko tëi ava sekwa rupi peye; che rumo aporandu tëi pe rovake mba'e rese chupe ndipoi ete rumo mba'e sembiapo naporäi va'e pe remimombe'u rupi.

San Lucas 23:5

A'e ava eta rumo oporandu katu-katu ñoite yuvɨreko: –Oporombo'esa pɨpe ava oipɨ'a ñemoñeta mboyeavɨratɨ uka opakatu tekwa rupindar. Omboɨpɨ Galilea rupi oiko, iyavei kurïtëi oyapo, ko Judea pɨpe.

San Juan 18:29

Sese Pilato osë oñe'ë. Aipo e'i ava upe: –¿Mba'e vo ko mbɨa rembiapo oime naporäi va'e?

San Juan 18:30

Nda'eise oporapichi va'e viña–ndorogwerui chietera revo ndeu viña–, e'i yuvɨreko chupe.

San Juan 19:12

A'e ramo seve, Pilato oseka iri tëi Jesús renose agwä; judío eta rumo säse pirätä ñoite yuvɨreko chupe: –¡Akoi eremosese ko mbɨa, nda'ei chietera nde mborerekwar ɨvate katu va'e mborɨpar ereiko! ¡Iyavei oyemomborerekwa tëi va'e, a'e yuvɨrekoi mborerekwar ɨvate katu va'e amotare'ɨ̇mbar tëi!

Los Hechos 24:13

Ko mbɨa yuvɨrekoi va'e ndoikatui ete mba'e che rembiavɨ mombe'u seroya tuprɨ agwä yuvɨreko ndeu.

Los Hechos 24:5

Oroyandu ko mbɨa ava mañeko tëisar ogwata opakatu ɨvɨ rupi, judío mboya'o agwä tëi, a'e Jesús Nazaret pendar reroyasar rerekwar sekoi.

Romanos 13:7

Pemondo ñepëi-pëi ava upe mba'e chupendar. Akoi ndapemboepɨ vɨtei va'e upe, pemboepɨ chupe; pemondo aveira gwarepochi mborerekwar upe; pemboetei aveira, ava imboyeroyaprɨ; iyavei akoi pesaɨsuse ava, pesaɨsu ñoitera sereko.