San Lucas 22:53 - Tüpä Ñe'ëngagwer

⁵³ Arɨ yakatu rupi tüpäro pɨpe aiko pe pa'üve, ndapeyapoi ete ko nungar che pɨsɨ agwä. Avɨyeño rumo, oyepota ni'ä peü imombe'uprɨ Karugwar pirätäsa pɨpe mba'e-mba'e tëi apo agwä.

Tũpa Ñehengagüer

⁵³ Aicose tũparo pɨpe pe pãhuve arɨ yacatu rupi, na ndapeyapoi eté co nungar cheu. Avɨyeño rumo, oyepota ité niha pẽu imombehuprɨ Caruguar pĩratasa pɨpe mbahe-mbahe tẽi apo ãgua —ehi.

San Lucas 22:53 Iomraidhean Croise

San Mateo 21:23

Ichui Jesús oike iri oso tüpäro pɨpe oporombo'e. A'ese pa'i eta rerekwar, judío rerekwar avei oyemboya sese, oporandu yuvɨreko chupe: –¿Ava nde kwaita pɨpe vo ereyapo ko nungar eiko? ¿Ava vo ombou nde mborerekwarä ndeu?

San Lucas 22:52

Ipare aipo e'i pa'i eta rerekwar upe, tüpäro rärösar upe avei, mborerekwar tekwa pɨpendar upe avei, yugweru va'e seka yuvɨreko: –¿Ma'erä vo peyu kɨse puku rese iyavei ɨvɨra reseve-seve rutei, inungar imondarai va'e che rereko peye?

San Lucas 22:54

Evokoiyase Jesús oipɨsɨ ovɨraso pa'i eta rerekwar ɨvate katu va'e rëtäve yuvɨreko. Pedro rumo amombrɨ rupive tëi osakɨkwei moñaño oiko.

San Juan 12:27

“¡Kurïtëi rumo ayandu ite mba'e-mba'e tëi oime va'erä! ¿Marä a'era pi'ä evokoiyase? ¿Aipo a'era: ‘Che Ru, che renose katu eve ko mba'e-mba'e tëi sui’? ¡Che rumo ayu a'e gwä ite ko ɨvɨ pɨpe!

San Juan 13:30

Oipɨsɨ pare Judas mboyape osë voi ete. A'e pɨ̇tü pɨpeve oso.

San Juan 14:30

Na ñe'ë atɨ iri chira mba'e rese peü, esepia ou ite oporokwai va'e ko ɨvɨ pɨpe. Yepe a'e ndovɨrekoi ete omborerekwasa ɨvate katu va'e che sui viña,

San Juan 7:30

Evokoiyase oipɨsɨ pota yuvɨreko sokenda agwä viña, ndipoi ete rumo ikere'ɨ̇ va'e esepia ndoyepota vɨtei arɨ ipapaprɨ chupe.

San Juan 7:45

Sundao eta tüpäro rärösar oyevɨpa yuvɨreko fariseo rekosave pa'i eta rerekwar avei, a'e oporandu yuvɨreko chupe: –¿Ma'erä vo evokoiyase ndaperui?

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Efesios 6:12

Esepia yande nda'ei ava amotare'ɨ̇save yayepɨ'amovɨräkwä, yande rumo yayepɨ'amovɨräkwä espíritu naporäi va'e ndoyekwai va'e upe iyavei ko ɨvɨ pɨpendar Karugwar ipirätä va'e pɨ̇tümimbisa pendar reroya e'ɨ̇ agwä.

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,